لما تتصل بأي شركة مزود انترنت . خلينا نشوف

لما تتصل بأي شركة مزود انترنت بسوريا:
- مرحبا يعطيك العافية النت كتير بطيئ عندي ..
- خلينا نجرب أستاذ نطفي الراوتر ونرجع نشغلو ..
- جربت من قبل ما استفدنا شي
- لمبة DSL شو وضعها عندك ؟
- شغالة
- مركب Splitter ع خط التلفون
- اي مركب
- خط التلفون عندك في وصلات ؟!
-لا
- ولا حتى الخط الخارجي يلي جاي من العلبة
- لا كمان
- كييف هيك استاذي ؟!
- انا واصل خط خصوصي من العلبة للراوتر مباشرة بدون اي وصلات
- طيب الخط بيمرء من جنب شي خط كهربا
- لاء
- الخط بتضربو شمس قوية او بتشتي عليه
- لا انا واصل الخط ضمن أنبوب من الفولاذ منشان احميه من كل العوامل الخارجية
- في عندك حيوانات أليفة ؟
- لاء
- طيب عندك ولاد صغار بالبيت
- لاء
- طيب جيرانك أكيد عندون ولاد صغار
- لاء انا ما عندي جيران
- زرت شي دولة من دول حوض المتوسط بآخر عشر سنين
-لاء
- في حدا بالعيلة كان يشتغل بشي معمل ؟!
- اي أبي ليش ؟
- استاذي اللي بيشتغل بمعمل بيستخدمو فيه كربون يلي بسبب آثار غير محسوسة وجزيئات ميكروسكوبية جوات الرئة لسنين طويلة , وممكن والد حضرتك عطس شي مرة بالبيت بآخر خمس سنين الجزيئات بتطلع منو وبتنتشر بالجو وبتستقر ع خط التلفون وبتعمل تآكل بصير فيه ثقوب ميكروسكوبية وهاد يلي بخلي النت عندك يقطع .
- معقول ؟!!!
- طبعا هي شغلة معروفة استاذي
- يعني المشكلة مو من عندكون ؟!
- لا المشكلة بوالد حضرتك استاذي
- طيب ألف شكر , انا رح غير الوالد
- تحت امرك استاذي , في سؤال تاني ؟!
- لا شكرا
- اهلا وسهلا وشكرا لاتصالك!

طلعت المشكلة بالوالد
ههههههههه