فؤائد شواشي الذرة ( شراشيب عرنوس الذرة الشامية )

شواشى الذرة
وأنت بتاكل الذرة المشوية بتلاقى للذرة شراشيب لونها ذهبى الشراشيب دى اسمها شواشى الذرة 
وشواشى الذرة دى ياجماعة فوايدها الطبية غير عادية بغض النظر عن طعمها الرائع المسكر العسل ده بس الدراسات بتقول انه مفيد فى   :
١- عدوى الجهاز البولى : 
الميزة ان شواشى الذرة فيه مواد فعالة اسمها ميوسولدج mucilage عاملة شبه مانت تحط على مثانتك ولا البروستاتا تلجة تبرد الجهاز ده لأن الصديد بيبقى عامل للمريض شبه مية النار و بيلهب ويولع الأعضاء التناسلية .
٢- مدر للبول :
شوف اى نبات بيزود إدرار البول دا بيكون مناسب جدا لمرضى الضغط المرتفع ومرضى الكلى زى الحصوات مثلا ومرضى السكر لأن السكر بيعمل ورم بالرجلين ومرضى القلب لأنه بيقلل إجهاد القلب فالجميل اللذيذ ده مفيد جدا جدا للمرضى دول وأمن تماما .
٣- عظمة وسنة تقطم الحجر :
شوف لا يختلف اثنان ان اى نبات فيه فيتامين ك ٢ بيساعد جدا إن العظام تكون قوية و الأسنان كذلك وبيمنع ان يحصل تكلس باللحم زى الشرايين والكلييتن .
٤- بينزل ضغط الدم المرتفع شرحت ليه سابقا عشان مدر للبول وعلى المدى البعيد بيصلح الشريان المتكلس المتصلب .
٥- إرتفاع سكر الدم :
فيه دراستين فى الموضوع ده واحدة فى ٢٠١٢ والتانية ٢٠٠٩ والاتنين بيأكدو فاعلية شواشى الذرة فى تخفيض سكر الدم مش هيحصل حاجة انك كمريض سكر تمشى بإنتظام على شاى الشواشى .
٦- النقرص :
أصله جميل كملطف للمفاصل القافشة فى بعضها وعمالة بتفرقع زى مزيكا السيد حسب الله وانت بتصلى وانت طالع السلم اشرب شواشى بتعالج النقرص كمان .
٧- الكولسترول :
عملو عنو دراسة فى الصين اصل الصينين مابيرموش حاجة زى ماحنا بنعمل وجدو انه بيخفض الكولسترول الضار وبيرفع النافع .
شير لغيرك ويبقى كل شعر الذرة ونشفه واشربه شاى دا من أعظم الأدوية على الإطلاق .
طريقته انك تغليه مع الماء والليمون ولازم ليمون فاعليته معاه بتتضاعف خاصة للكلى 


دمتم بصحة وعافية