بكرا رح يكبروا بسرعة و يطيروا تمتعي معهم

(تستحق القراءة) 


بكرا رح يكبروا بسرعة ..
ويطيروا متل  العصافير.. كل واحد علي بيته 
ويبقى كل همِّك تعملي لقمه حلوة لتجمعيهم .... ولو بس ساعه حواليكِ.
وبسرعه  بيرجعوا لحياتهم ويتركوك لحالِك ........ رح تفكري لمين رح تطبخي بعد ما راحوا.


بتقولي  ما عد في داعي للطبخة، كلنا اثنين أنا وأبوهم
ما رح يكون في  بنت  رح ترجع من المدرسة وهي بتشمشم ريحة طبخك من ع الدرج وتقلك  ماما أنا ميته من الجوع، 
وابنك وهو راجع من مدرسته ويركض ع المطبخ يفتح غطا الطناجر  ويدوق من كل  طبخة  ويقلك أنا ميت من الجوع.
 
هو العمر  مشي بسرعة
 
 كل يوم كنتي تحتاري  شو تطبخي كرمال  ترضيهم وترضي اذواقهم وكنتي  تتمللي  لما  ابنك يطلب منك أكله  معينه أو  البنت تطلب طبق حلو من ايدك وتتوسلك  لتعمليه.


 بهل الوقت بتتمني  واحد  منهم يطلب منك أي طبخة  من أيدك لـ تجمعيهم  مرة تانية  حواليك.


لهل السبب :  
استمتعي بوجودهم حواليك
استمتعي بكراكيبهمولعبهم  يلي مبعثرة في  كل مكان ومبهدله البيت
استمتعي  بمزحهم وضجتهم  ولعبهم اللي بتضايقك   وبتجيبلك  وجع راس 
استمتعي قبل ما بيتك يبقي مرتب  زياده عن اللزوم
  
قومي احضني أولادك  على قد ما فيك  ... عيشي معهم اللحظه ..  اتهني بطفولتهم ولمتهم حواليكِ.


لأنهم  بيكبروا أسرع مما تتخيلي ..  ريحتهم حلوة ولمتهم في البيت احلى 
اليوم  كل الساعات الك .. بكره.. يادوب ممكن تلحقي ساعه من وقتهم
عيشي حياتهم ووجودهم من قلبك


 دمتم بحب وخير وسلام

قومي احضني أولادك على قد ما فيك ... عيشي معهم اللحظه .. اتهني بطفولتهم ولمتهم حواليكِ

مقال رائع جدا

سلمت يداك