بس في حلب يحدث هذا الامر

بس في حلب

الاجنبي ببلاد برا وقت بكون ضيف هوه و مرتو و بدن يروحو على بيتهم
بقولو ( good bay )
برد عليه اهل البيت ( see you )
و بفتحوا الباب و بمشو و لا حدا بروح يودعهم .

الحلبي وقت اللي الضيف بدو يروح بتصير احداث مسلسل درامي مدتو نص ساعة واكتر

مافي تزامن ابداً بقومة الزلمة مع مرتو ، يعني لازم يبعت خبر مع ابنو انو قلا لامك خليا تلبس
اشتهيت مرة يرجع يقلي بابا امي جاهزة وواقفة عالباب
عطول بتقلي استنا لتخلص القهوة
برجع بصيح عليهن : لك اش صار معكون ؟
يلا يلا عبلبس الولد
بعد ما منخلص و برافقونا صاحب البيت ومرتو لباب الصقاق و نحنا عم نلبس الصبابيط عالدرج
بصير الحديث التالي :

‍�‍�- يلا خاطركن
‍�- طيب ضلو سهرو عنا والله بكرا جمعة و معطلين ، والله بكير طالعين .
‍- لا لا بدنا نروح حاج تعبانين و عبكير بدنا نطلع عند اهلي يلا خاطركن
‍�- مع السلامة تعو لعنا معيوده ها .
‍�- انتو تعو بقا صرلكن من ايمت ما زرتونا .
‍�- خلص المرة الجاية منجي ان شاء الله
‍�- انتي تعيلك شي يوم لحالك لعندي نشرب قهوة .
‍�- خلص بجي ان شاء الله و بس افضى بكرا الي نزلة عالسوق وبعدها بعدّي لعندك و بخبرك قبل .

‍�- اذا لساتك بدا تبيع السيارة خبرني مندبر لها شرّى .
‍�- هوه هيك اذا صار ماصار بخبرك اش بصير معي
‍�- يييي نسيت مفتاح البيت و موبايلي عالديوانة
‍�- يلا رايحة اجبلك ياهن
‍�- عطول هيك بتنسى كل ماطلعنا .
‍�- يلا جلّ من لا ينسى
‍�- يلا بتوصونا شي
‍�- سلامتكن ان شاء الله عيدوها ها
‍�- باذن الله بكرا اذا شفت بكري سلملي عليه وبمر لعنكن اذا صرلي
‍�- ماشي بوصل
‍�- بوسيلي سوسو ماشفتا كانت نايمة
‍�- ابوس روحا متعودة تنام عبكير
‍�- يلا خاطركن
‍�- مع السلامة سلام الله معكن

وكل هالحديث الي صار عالدرج و عمسمع كل اهل البناية
هادا عدا صراخ الولاد عالدرج
و الضحك الذي يتخلله الحديث

هنا تكمن الحياة