من قواعد شرب القهوة

قواعد القهوة العشرة

- لا تحط سكر عالقهوة

- القهوة بتنعمل بركوة نحاس على نار هادية

- القهوة بتنعمل بمي سخنة حتى ماتروح طعمة البن.. اصحك تقلل مروة وتحط البن ع البارد..

- فظاعة انك تشرب قهوة حلوة متل القطر .. او حتى لو سكر خفيف هيك عم تهين القهوة

- مهما كنت متأخر اصحك تكرع فنجان قهوة الصبح عالسريع .. بتزعل القهوة منك بعدين

- وقت تفتح علبة البن شمها .. وقت تحطها بالركوة شمها .. وهي عالنار شمها .. وقبل ما تشربها شمها .. شمها بقلبك مو بأنفك

- لا تصدق يلي بقلك دلق القهوة خير .. بالعكس حرام القهوة تنكب .. ويمكن فنجان القهوة اللي اندلق هو اطيب فنجان عملتو بحياتك

- حلاوة القهوة بمرارتها .. اذا ما بتحب مرارة القهوة معناها ما بتحب القهوة

- القهوة اعملها بأيدك .. لا تطلب من حدا يعملها ..
قهوة الصبح هي يلي لح تخليك تستعد لسخافات الناس بنفس مطمئنة

واهم شي تشربها مع ناس بتحبن لأن لما تشربها مع حدا ما بتحبو القهوة بتزعل لانك عم تقلل قيمتها