- Modarعضو نشيط
- رقم العضوية : 9
عدد المساهمات : 380
تاريــخ التســـجيل : 12/06/2016
البلد : Syria
التقييم و الاعجاب : 4
زلزال في حلب . حكاية من زمان
18/10/2016, 11:14 pm
زلــــــــزال في حلب:
كنت في السابع عشرة من عمري , في تعزية صديقي , بوفاة والده , بيته كان في الطابق الرابع ,كنت جالسا" جانب الشيخ الذي كان عم يرمقني بنظرات مريبة , مابعرف ليش كانوا يكرهوني المشايخ و اساتذة العربي , كان الشيخ عم يحكي عن القضاء و القدر و أنه كل شي مقسوم بالحياة و الموت كمان مقسوم و محدّد بالدقيقة و الثانية , و الواحد مالازم يخاف من الموت و من القضاء و القدر و يبتسم دايما , و كل شوي يطلع فيني و كأنه عم يتوعدّني بنار جهنم و بئس المصير ..
أنا كنت قاعد عاقل وعم اسمع الخطبة المكررة شي مليون مرة , عملت حالي منسجم معه من شان ما يزعل مني و يغير نظرته فيني , و فجأة !!!!
الثريا صارت عم تتأرجح و الطاولة انزاحت من محلها و كاسة المي وقعت ع الارض , و انا مرعوب و مو عرفان شو صاير ...و صرخ الشيخ : زلزاااااال ....
الناس كلها ركضت على باب البيت و صارت تنزل على درج البناية , طبعا انا كنت صغير و كالزئبق توغلت بين الناس و صرت اول واحد عم انزل ع الدرج بسرعة ... و فجأة لاقيت جنبي الشيخ عم يركض معي و سبقني , صار هو بالمرتبة الأولى و انا بالمرتبة التانية ...
وصلنا كلنا على باب البناية , و تبيّن انه زلزال , و الناس صارت تحكي عن الزلزال و بعد ربع ساعة رجعنا طلعنا ع البيت , و قعدت انا جنب الشيخ !!!
الشيخ شرب 4 طاسات رعبة , و ابتسم و قال : سنكمل الخطبة ...
قاطعته و قلت له : اشبك شيخي ؟؟؟ ع اساس انت ما بتخاف و الموت علينا حق , اي أخذت الميدالية الذهبية في رياضة الجري و القفز على الحواجز ... خير ان شاءلله ؟؟
نظر الي الشيخ نظرة , و الشرار عم يطلع من عيونه , يعني كمية الشرار الطالعة أقوى من الالعاب النارية اللي صارت ببرج العرب بدبي بحفلة راس السنة .. فسكتت و قعدت متل القطة
رجعت ع البيت , لاقيت الوالدة حزمت كل ماخف وزنه و ثقل ثمنه و كل الأوراق الثبوتية و الحكومية و اخراجات قيد و بونات السكر و الشاي , قلتلها : اش في ؟؟ بدك تحردي عند أهلك ؟
قالت لي : لا .. حكيت مع وفاء و غصون و ماوية قالولي أنه رح يرجع يصير عنا زلزال الساعة 12 بالليل
قلتلها : يا امي , اللي اخترع مقياس ريختر ( عبد اللطيف ريختر ) ماكان بيعرف ايمتى موعد الزلزال , فوفاء و غصون و ماوية شو عرفهم ؟
قالت لي : قوم طلاع معنا رح نطلع ع المحلّق , ابوك يصطفل مابدو يروح و رح ينام في البيت بس رح يحط تليفون اللاسلكي جنبه من شان اذا صار شي نخبره و نتطمن عليه ..
قلتلها : يا امي .. بلا صغر عقل ...مارح نطلع
قالت لي : خواتك البنات جاهزات .. بغضب عليك اذا مابتروح فهمت ؟؟
قلتلها : لااا كل شي الا غضبك يا امي , انتي كمان و الشيخ ؟؟ لاااا خلص بروح ...
ودعت ابوي , وطلعت ع المحلق مع أهلي ...و كانت المفاجأة !!!!
أهالي حلب كلها بالمحلق , الكش و الشوي شغالين و بياعين البوشار و البليلة ماعم يلحقوا بيع
النسوان عبارة عن بطاريق و دببة , كياس المصاري و الصيغة محشيين حشي جوا الكرش ... يعني كمية الذهب و الفضة و المصاري الموجودة بالمحلّق , كافية لترجيع الدولار الى 4 ليرات ...
الكل متخوف من الزلزال .... و صارت الساعة 12و نص
ما صار هزة و لا صار شي ... أمي وقفت صبية قالتلها : ايمتى الزلزال بنتي مو ع اساس بال 12 ؟
( يا ربي دخيلك ... عم تسأل ايمتى الزلزال؟ ... أين انتم ايها اليابانبون ؟شلون بقا ؟ )
قالتلها الصبية : وصل الزلزال لادلب و بقيله نصف ساعة و بيصير بحلب !!!!!!!!
انا هون صرت اضرب حالي بالشحاطة و انا عم اسمع النقاش , الزلزال جاي بالكرنك يعني ؟ وااااخ
و أنا عم اتفرج , 3 بنات انخطبوا بالمحلق, شافوهم نسوان و أخدوا موعد للشوفة ..
صارت الساعة 2 و الناس ضاجت و اقتنعت أنه مافي زلزال اليوم .. و أغلبيتهم قرروا المجيئ في اليوم الثاني بنفس التوقيت ع المحلق ( لأنه الزلزال بيجي الساعة 12 بنفس توقيت سندريلا لما بتشلح كندرتها )
رجعنا ع البيت , أبوي كان نايم و اللاسلكي جنبه
وفاء رفيقة امي انسرق بيتها متلها متل أغلبية الناس
غصون انتشلت سيارتها
ماوية سليمة مثلنا ...
الحمدلله دائما على نعمة الحياة , الزلزال لا يمكن أحد ان يتوقعه إلا قبل ثواني من حدوثه , بس عنا غير ..
كانت ذكريات حلوة ...كنا نحب الحياة و نحب نعيش
بس نحن صرنا أقوى بكتير ..قاعدين بالبيت و عم نسمع اصوات القذائف عم تنزل جنبنا و نقول :الحمدلله ...
كنت في السابع عشرة من عمري , في تعزية صديقي , بوفاة والده , بيته كان في الطابق الرابع ,كنت جالسا" جانب الشيخ الذي كان عم يرمقني بنظرات مريبة , مابعرف ليش كانوا يكرهوني المشايخ و اساتذة العربي , كان الشيخ عم يحكي عن القضاء و القدر و أنه كل شي مقسوم بالحياة و الموت كمان مقسوم و محدّد بالدقيقة و الثانية , و الواحد مالازم يخاف من الموت و من القضاء و القدر و يبتسم دايما , و كل شوي يطلع فيني و كأنه عم يتوعدّني بنار جهنم و بئس المصير ..
أنا كنت قاعد عاقل وعم اسمع الخطبة المكررة شي مليون مرة , عملت حالي منسجم معه من شان ما يزعل مني و يغير نظرته فيني , و فجأة !!!!
الثريا صارت عم تتأرجح و الطاولة انزاحت من محلها و كاسة المي وقعت ع الارض , و انا مرعوب و مو عرفان شو صاير ...و صرخ الشيخ : زلزاااااال ....
الناس كلها ركضت على باب البيت و صارت تنزل على درج البناية , طبعا انا كنت صغير و كالزئبق توغلت بين الناس و صرت اول واحد عم انزل ع الدرج بسرعة ... و فجأة لاقيت جنبي الشيخ عم يركض معي و سبقني , صار هو بالمرتبة الأولى و انا بالمرتبة التانية ...
وصلنا كلنا على باب البناية , و تبيّن انه زلزال , و الناس صارت تحكي عن الزلزال و بعد ربع ساعة رجعنا طلعنا ع البيت , و قعدت انا جنب الشيخ !!!
الشيخ شرب 4 طاسات رعبة , و ابتسم و قال : سنكمل الخطبة ...
قاطعته و قلت له : اشبك شيخي ؟؟؟ ع اساس انت ما بتخاف و الموت علينا حق , اي أخذت الميدالية الذهبية في رياضة الجري و القفز على الحواجز ... خير ان شاءلله ؟؟
نظر الي الشيخ نظرة , و الشرار عم يطلع من عيونه , يعني كمية الشرار الطالعة أقوى من الالعاب النارية اللي صارت ببرج العرب بدبي بحفلة راس السنة .. فسكتت و قعدت متل القطة
رجعت ع البيت , لاقيت الوالدة حزمت كل ماخف وزنه و ثقل ثمنه و كل الأوراق الثبوتية و الحكومية و اخراجات قيد و بونات السكر و الشاي , قلتلها : اش في ؟؟ بدك تحردي عند أهلك ؟
قالت لي : لا .. حكيت مع وفاء و غصون و ماوية قالولي أنه رح يرجع يصير عنا زلزال الساعة 12 بالليل
قلتلها : يا امي , اللي اخترع مقياس ريختر ( عبد اللطيف ريختر ) ماكان بيعرف ايمتى موعد الزلزال , فوفاء و غصون و ماوية شو عرفهم ؟
قالت لي : قوم طلاع معنا رح نطلع ع المحلّق , ابوك يصطفل مابدو يروح و رح ينام في البيت بس رح يحط تليفون اللاسلكي جنبه من شان اذا صار شي نخبره و نتطمن عليه ..
قلتلها : يا امي .. بلا صغر عقل ...مارح نطلع
قالت لي : خواتك البنات جاهزات .. بغضب عليك اذا مابتروح فهمت ؟؟
قلتلها : لااا كل شي الا غضبك يا امي , انتي كمان و الشيخ ؟؟ لاااا خلص بروح ...
ودعت ابوي , وطلعت ع المحلق مع أهلي ...و كانت المفاجأة !!!!
أهالي حلب كلها بالمحلق , الكش و الشوي شغالين و بياعين البوشار و البليلة ماعم يلحقوا بيع
النسوان عبارة عن بطاريق و دببة , كياس المصاري و الصيغة محشيين حشي جوا الكرش ... يعني كمية الذهب و الفضة و المصاري الموجودة بالمحلّق , كافية لترجيع الدولار الى 4 ليرات ...
الكل متخوف من الزلزال .... و صارت الساعة 12و نص
ما صار هزة و لا صار شي ... أمي وقفت صبية قالتلها : ايمتى الزلزال بنتي مو ع اساس بال 12 ؟
( يا ربي دخيلك ... عم تسأل ايمتى الزلزال؟ ... أين انتم ايها اليابانبون ؟شلون بقا ؟ )
قالتلها الصبية : وصل الزلزال لادلب و بقيله نصف ساعة و بيصير بحلب !!!!!!!!
انا هون صرت اضرب حالي بالشحاطة و انا عم اسمع النقاش , الزلزال جاي بالكرنك يعني ؟ وااااخ
و أنا عم اتفرج , 3 بنات انخطبوا بالمحلق, شافوهم نسوان و أخدوا موعد للشوفة ..
صارت الساعة 2 و الناس ضاجت و اقتنعت أنه مافي زلزال اليوم .. و أغلبيتهم قرروا المجيئ في اليوم الثاني بنفس التوقيت ع المحلق ( لأنه الزلزال بيجي الساعة 12 بنفس توقيت سندريلا لما بتشلح كندرتها )
رجعنا ع البيت , أبوي كان نايم و اللاسلكي جنبه
وفاء رفيقة امي انسرق بيتها متلها متل أغلبية الناس
غصون انتشلت سيارتها
ماوية سليمة مثلنا ...
الحمدلله دائما على نعمة الحياة , الزلزال لا يمكن أحد ان يتوقعه إلا قبل ثواني من حدوثه , بس عنا غير ..
كانت ذكريات حلوة ...كنا نحب الحياة و نحب نعيش
بس نحن صرنا أقوى بكتير ..قاعدين بالبيت و عم نسمع اصوات القذائف عم تنزل جنبنا و نقول :الحمدلله ...
رد: زلزال في حلب . حكاية من زمان
19/10/2016, 11:14 pm
هههه
ذكريات و من نهفات اهل حلب
ذكريات و من نهفات اهل حلب
.
السعيد لا يملك كل شيء ، ولكنه يسعد بكل شيء يملكه.
http://mo7it.byethost11.com/
- Hibaعضو مبدع
- رقم العضوية : 5
عدد المساهمات : 1229
تاريــخ التســـجيل : 25/05/2016
البلد : Syria
العمـل : طالبة
التقييم و الاعجاب : 3
رد: زلزال في حلب . حكاية من زمان
22/10/2016, 11:12 am
الله على هديك الايام ما احلاها
- Yomnaاعضاء التميز
- رقم العضوية : 3
عدد المساهمات : 633
تاريــخ التســـجيل : 07/05/2016
البلد : Syria
التقييم و الاعجاب : 0
رد: زلزال في حلب . حكاية من زمان
23/10/2016, 2:21 am
اول مرة لسمع بهاي القصة
- سوزاناالاشراف العام
- رقم العضوية : 16
عدد المساهمات : 873
تاريــخ التســـجيل : 03/11/2016
البلد : لبنان
العمـل : اعلام و صحافة
التقييم و الاعجاب : 1
رد: زلزال في حلب . حكاية من زمان
16/11/2016, 11:19 pm
حلوةحلوة مشكورين
.
سأل احدهم :
من أسْعدُ الناس ؟
فقال من أسْعدَ النّاس .
صلاحيات هذا المنتدى:
لاتستطيع الرد على المواضيع في هذا المنتدى