تنكس مفصل الركبة او خشونة المفصل

#تنكس_مفصل_الركبة

او #خشونة المفصل

من الاعراض الشائعة جدا و يلي بتراجعنا يوميا بالعيادة
و للاسف بعض الحالات بتكون متاخرة جدا جدا
و ما بكون بامكاننا وقتها الا #تبديل المفصل

🟢تنكس مفصل الركبة هو نتيجة تراكم اجهاد المفصل لسنوات و سنوات

و اتباع عادات خاطئة لفترات طويلة
اضافة #لاهمال الالم لفترات طويلة
اضافة لبعض #الامراض يلي بتساهم بتسارع المرض اكتر و اكتر متل #هشاشة العظم و #الروماتزم و استئصال الغضروف الكامل

#طيب_شو_الشغلات_يلي_منقدر_نعملها_لنتجنب_هاد_التنكس؟

🟢بداية و الاهم هو تجنب الوزن الزائد

الوزن بحد ذاتو عبئ على مفصل الركبة
و كل ما كان الوزن اكتر كل ما كان التنكس بمراحل مبكرة من العمر
لهيك من المهم جدا المحافظة ع وزن معتدل
و العمل بشكل جدي على التخلص من الوزن الزائد
عن طريق الحمية و السباحة و المشي الخفيف

🟢تجنب استهلاك المفصل الزائد

مثل صعود و نزول الدرج لمرات متكررة بكثرة
الدرج بيستهلك المفصل اسرع من المشي بكتير
لهيك بنصح المرضى و بالاخص يلي ساكنين بطوابق اخيرة
انو يخففو قدر الامكان من صعود الدرج و نزولو
و الاقتصار ع مرة واحدة فقط باليوم

🟢ايضا الوقوف الطويل او المشي الطويل المتعب بيستهلك المفصل و بساهم بتسريع عملية تنكس المفصل

🟢السيدات يلي صار عندن انقطاع #طمث بسن مبكر
من المهم البدء بالمعالجة الهرمونية
الهرمونات الانثوية تحمي السيدة من هشاشة العظام
و بغياب هل الهرمونات رح يبلش العضم يفقد كثافتو و هل الشي رح يسرع جدا موضوع التنكس

🟢شرب كميات جيدة من المياه
و الالتزام بالرياضة
و الابتعاد عن التدخين
تناول غذاء معتدل غني بالكاسيوم
التعرض لاشعة الشمس
المشي الخفيف غير المرهق للمفصل
كلها من العوامل يلي بتشكل #حماية من هل المرض

لاتهمل الم مفصل الركبة مهما كان محمول

رح يجي وقت وما رح تقدر تتحمل هل الوجع
و بالغالب بكون تاخر العلاج و وصلنا للمرحلة الاخيرة و يلي هية #تبديل المفصل

لهيك من المهم تراجع طبيبك في حال ظهور الم بمفصل الركبة
و تلتزم بالتوصيات و المعالجة يلي بحددلك ياها

كالعادة ايا استفسار جاهز للاجابة عنو

#دمتم_بصحة_وخير