منتدى حلوة يا بلدي
عزيزي الزائر أهلاً و سهلاً
اذا اعجبك المنتدى واردت الانضمام الينا فاضغط تسجيل

عزيزي العضو المسجل بمنتدانا ...
اضغط دخول وضع اسم المستخدم و كلمة المرور

نتمنى لكم المتعة و المعرفة و الفائدة ..
ولكم جزيل الشكر ادارة المنتدى
منتدى حلوة يا بلدي
عزيزي الزائر أهلاً و سهلاً
اذا اعجبك المنتدى واردت الانضمام الينا فاضغط تسجيل

عزيزي العضو المسجل بمنتدانا ...
اضغط دخول وضع اسم المستخدم و كلمة المرور

نتمنى لكم المتعة و المعرفة و الفائدة ..
ولكم جزيل الشكر ادارة المنتدى


مذكرات زوجة برمضان 444410
مذكرات زوجة برمضان Logo_o10
اسعار برامج العيادات
حسب كل اختصاص و النسخة الخاصة به
عزيزي الطبيب حمل البرامج من خلال موقعنا
http://mo7it.byethost11.com
موقع المحيط سوف للبرمجيات


.
دخول
أفضل 10 أعضاء في هذا المنتدى
9417 المساهمات
1229 المساهمات
1142 المساهمات
1025 المساهمات
908 المساهمات
873 المساهمات
813 المساهمات
673 المساهمات
633 المساهمات
621 المساهمات
حالة الطقس بدمشق
booked.net
حالة الطقس عالمي
booked.net
معلومات اتصالك
IP Address Widget

`
اذهب الى الأسفل
امير المنتدى
امير المنتدى
عضو نشيط
رقم العضوية : 15
عدد المساهمات : 407
تاريــخ التســـجيل : 03/11/2016
البلد : سوريا
العمـل : مبيعات
التقييم و الاعجاب : 0

مذكرات زوجة برمضان Empty مذكرات زوجة برمضان

8/5/2019, 4:20 pm
من مذكرات زوجة :
عليي الحلال الشياطين يلي تربطت برمضان عارفة انو تاركة وراها أحفاد وزلام
من أول يوم رمضان وبعد الإفطار مباشرة بيمسك جواله. بوقف عالبرندة وبيشفط بطنو وبدق مكالمة ..
_مع مين بتحكي بيب ؟؟
÷مع رفيقي أبو همام .. بدو يروح يتمشى قال عم يصيبو تخمة بعد الفطور .. وقال م نشان كرشو يدوب من الشحوم المتراكمة .. وانا هيك كمان بدي روح معو
_ طب خدني معك يا قلوبي وبلاه أبو همام .. كرشي مدحدح رح يقرب العيد .. بالله خدني معك .
÷ وك حاج .. هلق انتي عندك كرش .. وينو ؟؟ وينو؟؟ ماشايف شي ؟؟ بطنك لازق بضهرك تقبري قلبي .
انا على قد مو طشمة والقط بياكل عشايي صدقتو... مع انو كرشي ما أنترو بأصبعتي ليرج أسرع من مقياس ريختر ..
بربي شي أني هزيتو هز بطرف السبابة صار يرقص رقص متل الجيليه..
قلت ياالله شو بحبني وشايفني أجمل السيدات ..
المووهم
ضل اسبوعين على هالحال .. لحتى مرة من المرات كنت قاعدة وبزبط سهرة على مسلسل باب الحارة ..
ولا بسمع شي برن ؟؟
لحقت الصوت .. جوال جوزي .. ومكالمة من أبو همام ..قلت خليني رد خطيي بكون ناطر جوزي وجواله ناسيه بالبيت..
+ الو السلام عليكم ..
_وعليكم السلام ورحمة الله وبركاته
+ اه مو هاد رقم أبو سالم ولا انا مخربط اختي؟؟
_ لا أخي هاد رقمه بس ناسي جواله
+ طيب اختي بس خبريه انو أبو همام مشتقلو وما عاد شفتو من قبل رمضان .
وانا على قد مو طشمة والقط بياكل عشايي ما كتير دققت.. وشلت هالترهات من مخي .. ورجعت أخدت كمشة بوشار ودحشتا بتمي ورجعت تابع المسلسل .
بعدين رجع دق الجوال .. ركضت شوفو مالحقت المكالمة .. بس شفت رقم مسجل بياع الغاز أبو أحمد ..
ورديت رجعت ع المسلسل .
دق مرة تالتة رقم غريب اخرتو 875 ..
قلت يله لرد عليه .. ما بلاقي غير صوت شخص عم يلاهت ملاهتة .. الخوف عم ينقط من حواجبه .. وك هاد جوزي .. وك صوته صوته
عم يقول : تركي بسرعة الجوال من آيدك أطفيه بجوز بأي لحظة يفجر .. وطلعي من البيت بسرعة ..بسرعة .. ولا تقربي عالجوال انا هلق جاي .
وانا على قد مو طشمة والقط بياكل عشايي .. خفت و اجيت فعلا" اطفيه للجوال ..
بس فجأة بيجي مسج
بفتحو ومكتوب عليه من رقم بياع الغاز أبو أحمد
(( بيبي انا مارح ائئدر اطلع شوفك اليوم لانو مو تبيعي الضيوف اليوم عند مامي .. دئيتلك بس شكلا البئرة مرتك كانت جنبك ..خلص بكرة ع الأكيد بلائيك الساعة 9 بالمطعم بالربوة.. لا تدئلي ابدا" لدئلك اوكيه بيبي باي ))
انا هون بلشت الدراما تلعب بعقلي .. وصارت تخطر ببالي سيناريوهات وحوارات ، بسام الملا بذاتو ما بيطلعلو معي ..
وهاي الطشمة يلي القط بياكل عشاها .. صارت ثعبان بتبلع الأخضر واليابس
فورا" بعتلا مسج ..
(( انا مارديت قصدا" ولا بدي رد عليكي ورجاءا" هالرقم أنسيه .. بتمنى يكون هاد آخر اتصال .. انا بحب مرتي وبموت عليها ..))
بعتتلي فورا" مسج قالتلي فيه : عليك وعلى مرتك .. تفوووووه ..
انا هون رجع اشتغل بسام الملا والثعبان يلي جواتي
حذفت آخر مسجين وتركت الموعد .. وقررت انا روح التقي فيه
وطفيت الجوال متل ما أمرني ابن عمي ..
اجا عالبيت وجهه أصفر .. ركض عالغرفة قلي وينو وينووو طفيتيه..لعبتي شي فيه ..
قلتلو: لا أبدا"
المهم قال قعد نص ساعة قدامي يشيل بطارية ويحطها انو قال هيك صلحو وماعاد يفجر.
وك على بابا يا ماما .. انا بفرجيك بكرة شو بدي سوي فيك .
اليوم قال بعد الفطور فات لبس وتعطر ونتف القفلة يلي بين حواجبه وراح؟ ؟
قلتلو خدني معك ح يطق قلبي يا حبيبي
قلي : لا حبيبتي عندي شغلة مع ابو همام صلحة وهيك
قلتلو: والله رح طق .. عطول محبوسة بالبيت مع أربع حيطان .. بدي روح مشوار ح يطق قلبي ودموعي بعيوني
قلي : خلص روحي مع رفقاتك ع السوق تمشي أو كلو بوظة واركلو،
سكر الباب وراح
عالساعة 9 كنت عازمة الشلة كلها ع المطعم وعزمت أخواتي وجاراتي والعيلة كلها واخدتهن ع مطعم الربوة وقعدت بالصدر وطلبت اراكيل وموالح والقعدة بتشل .
واجا جوزي معو باقة ورد وفات ع المطعم بس شفتو صفرتلو .. أبو سالم نحن هنااا
أجا وعيونو هيك 😳
قلتلو قدام الصبايا يا عمري والله بعرف ماهان عليك دموعي .. وميرسي عالوردات
وشكرا" كتير ع الحساب يلي رح تدفعوا هلق يا بيبيتي يا عمريتي ،
راح لعند الكاشير دفع حوالي 100 الف وهوي عم يضحك ويلعب .
ورجعنا عالبيت وما أحلانا طلع عالبرندة وهالمرة ماشفط كرشو ودق مكالمة ..
وسمعتو عم يقلا للمسفئة الله لا يبارك فيكي وبرفقتك روحي انقلعي يلعن شكلك .
وعلى فكرة لهلق سهران ماسك ورقة وقلم .. بحاول يلاقي حل للديون يلي ركبت عليه .
ولأني طشمة والقط بياكل عشايي رح سامحه ومرقلو ياها
الملكة
الملكة
عضو نشيط
رقم العضوية : 20
عدد المساهمات : 621
تاريــخ التســـجيل : 09/12/2016
البلد : aleppo
التقييم و الاعجاب : 3

مذكرات زوجة برمضان Empty رد: مذكرات زوجة برمضان

9/5/2019, 9:40 am
هي بتصير مع كل الزوجات
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى
المتواجدون الآنككل هناك 0 عُضو متصل حالياً 0 عضو مُسجل, 0 عُضو مُختفي و 0 زائر
أكبر تواجدأكبر عدد للأعضاء المتواجدين في هذا المنتدى في نفس الوقت كان 778 بتاريخ 9/5/2021, 5:02 am
إجمالي المساهمات
إجمالي الأعضاء
العضو الجديد مرحباً به