حنان اب و صندويشة ..

#فشة_خلق

أب عم يطعمي بنتو سندويشة و عم يحطلا كاتشب بكل لقمة بتاكلا ..
صارت البنت الصغيرة تفتح تمها و تبكي صرخ عليها الأب و قلها :
السندويشة باردة لا تمثلي رح تاكليا يعني رح تاكليا ..
البنت تبكي .. و الأب يصرخ عليها و بعد ما خلصت السندويشة اجت امها أخدت البنت و نامت البنت بحضنا الدافي
بلّش الأب ينضف الأكل و فتح البراد ليرجع علبة الكاتشب ..
اتفاجأ إنو سحب علبة الشطة بدل علبة الكاتشب !
و البنت كانت عم تبكي و هو كل فكرو أنها كانت عم تبكي من سخونة السندويشة !
راح لعندها و مسح على راسا و هي نايمة وحكالا
انا آسف يا بابا ما حسيت بوجعك لإني ما دقتو !

كم مرة حرقتوا غيركن بأفعالكن وتألموا بدموعهن وبتقولولهن يوقفوا عن التمثيل ؟!
كم مرة خليتوا غيركن ينام وهو عم يبكي؟!
كم مرة جرحتوا حدا بدون ما تعرفوا ؟!
كم مرة فكرتوا انو كلامكن بلسم وبالحقيقة هوي نار بتحرق القلب ؟
لو كل إنسان داق الكلمة أو الفعل قبل ما يوجهو لغيرو لكانت الحياة الاجتماعية تحولت لجنة أرضية ..
بس مع الأسف ... أكترنا اكتسب كل الصفات السيئة وفقدنا نعمة الإحساس و الراحة
تركو البشر تعيش متل ما بدها بدون مواعظكن و حكمكن
انا ماني ملائكة بس ع الأقل بعمري ما أذيت إنسان
حبو بعض
#حبيتها لهيك نسختها

قمة الحنان

و الله زعلت عليها