قصتي انا و موبايل النوكيا 3310
23/11/2019, 9:28 am
قصتي أنا والموبايل ....
بزمانو طلع موبايل ابو 60000 :
في عام 2000 , نزل اختراع الموبايل في سورية و سعر الخط 60000 ليرة , و تهافتت العائلات الراقية لشراء هذا الاختراع مع موبايل نوكيا 3310 و التباهي فيه بلعبة الحية و تنوعت اسماء الموبايلات سكودا - شحاطة - فرخ الدب - القرش ...
طبعا لم يكن بمقدوري كوني كنت طالبا باقتناء موبايل مع انه كنت اعشق لعبة الحية و لكن ابوي الله يرحمه وعدني بس يرخص رح يشتريلي موبايل و رقم ذهبي كمان ..
ذهبت الى الشام لحضور حفل زفاف راقي جدا , لبست طقم جديد من عند ميرتيللو و كندرة مبوزة (كانت موضة كندرة علاء الدين و المصباح السحري ) ,و صرت أمشي متل غواصين السباحة عم فشخ تفشيخ ..
جلست مع طاولة الجونيز ( شباب و صبايا عزابين ) , كل شب الله يحميه بياخد العقل لابس طقم حلو و كرافة عليها مربعات داخلة ببعضها ( و عرفت ماركة الكرافة بعد 5 سنين طلعت بيربري ) , و البنات حوريات مقصورات في الخيام هربانات من الجنة و جايين ع الأرض , و رائحة البارفانات بتدوخ , و كل واحد ووحدة حاطط موبايله النوكيا 3310 ع الطاولة و منهم من يلعب لعبة الحية ...و انا بزيق عيني عم اتفرج ع اللعبة , و خرمت من شان العب دق ...
من كلمة لكلمة ضربت صحبة مع الكل , و صرنا رفقة , أكلنا و رقصنا , و بعدها تذكرت بأنه لازم أخبر أهلي قلهم انه رح أجي ع حلب بوكره ...
صرت أدور على تليفون فيو حصالة ام الليرة , لاقيت وحدة جنب المحاسب , قمت ,
فقالتلي حورية : و ين رايح ؟
قلتلها : رايح أتصل تليفون , معك ليرة ؟..
قالتلي : تعا ما تروح , خود تليفوني اتصل فيه و عطتني الموبايل
و أجاك الموت يا تارك الصلاة ...
التليفون مقفول , و صرت اكبس أزرار و ما يفتح معي , و انا انعبطت , قالتلي : شو في ؟ .. قلتلها : كيف بيفتح قفل النوكيا ؟, أنا موبايلي سوني اريسكون نسيته في حلب ..
فتحتلي الموبايل و قالتلي : تفضل ...
مسكت الموبايل و حطيته ع أذني و أرجع طلع فيه و أرجع حطه بأذني .. قالتلي : شو في ؟؟؟
قلتلها : الظاهر موبايلك معطل أو عليه فاتورة ...مافي حرارة !!!!!
و اذ الطاولة , قلبت رأسا" على عقب و أصوات الضحك وصلت لمجلس الشعب , أجت أم العروس و ابو العريس و نانا و جدو و العمات و الخالات , يعني أجو كل المعازيم ع صوت الضحك و قالو : شو في ؟؟؟
وحكلولهم القصة ... و العرس كله صار يضحك حتى ابو النارة و في شخص كان عم يتفرج ع العرس من ع سطوح بيته صار يضحك ...
أنا صار وجهي متل البندورة , و تمنيت لو أختفي و تنشق الأرض و تبلعني...و كندرتي المبوزة حسيتها ضاقت على رجلي و صارت مبوزة أكتر ...
المهم ..شرحولي انه بتتصل بالرقم أول شي و بعدها بتكبس الزر الأخضر ...و طلع واحد فهيم الله يرضى عليه قال لي : انت من حلب ؟ اكتب 021 قبل الرقم ..أنقذني الله يعطيه العافية .. لأنه كنت اتبهدلت مرة ثانية ...قلتله : بعرف بعرف ...
اتصلت تليفون .. و رجعت ع الطاولة , و أجت ام العروس ( أحلى من العروس ) عزمتني ع الرقص , قالتلي : انا بحياتي ماضحكت متل اليوم ..عطيني بوسة
و باستني و كانت أول بوسة في حياتي ...
تبا للتكنولوجيا ....
بزمانو طلع موبايل ابو 60000 :
في عام 2000 , نزل اختراع الموبايل في سورية و سعر الخط 60000 ليرة , و تهافتت العائلات الراقية لشراء هذا الاختراع مع موبايل نوكيا 3310 و التباهي فيه بلعبة الحية و تنوعت اسماء الموبايلات سكودا - شحاطة - فرخ الدب - القرش ...
طبعا لم يكن بمقدوري كوني كنت طالبا باقتناء موبايل مع انه كنت اعشق لعبة الحية و لكن ابوي الله يرحمه وعدني بس يرخص رح يشتريلي موبايل و رقم ذهبي كمان ..
ذهبت الى الشام لحضور حفل زفاف راقي جدا , لبست طقم جديد من عند ميرتيللو و كندرة مبوزة (كانت موضة كندرة علاء الدين و المصباح السحري ) ,و صرت أمشي متل غواصين السباحة عم فشخ تفشيخ ..
جلست مع طاولة الجونيز ( شباب و صبايا عزابين ) , كل شب الله يحميه بياخد العقل لابس طقم حلو و كرافة عليها مربعات داخلة ببعضها ( و عرفت ماركة الكرافة بعد 5 سنين طلعت بيربري ) , و البنات حوريات مقصورات في الخيام هربانات من الجنة و جايين ع الأرض , و رائحة البارفانات بتدوخ , و كل واحد ووحدة حاطط موبايله النوكيا 3310 ع الطاولة و منهم من يلعب لعبة الحية ...و انا بزيق عيني عم اتفرج ع اللعبة , و خرمت من شان العب دق ...
من كلمة لكلمة ضربت صحبة مع الكل , و صرنا رفقة , أكلنا و رقصنا , و بعدها تذكرت بأنه لازم أخبر أهلي قلهم انه رح أجي ع حلب بوكره ...
صرت أدور على تليفون فيو حصالة ام الليرة , لاقيت وحدة جنب المحاسب , قمت ,
فقالتلي حورية : و ين رايح ؟
قلتلها : رايح أتصل تليفون , معك ليرة ؟..
قالتلي : تعا ما تروح , خود تليفوني اتصل فيه و عطتني الموبايل
و أجاك الموت يا تارك الصلاة ...
التليفون مقفول , و صرت اكبس أزرار و ما يفتح معي , و انا انعبطت , قالتلي : شو في ؟ .. قلتلها : كيف بيفتح قفل النوكيا ؟, أنا موبايلي سوني اريسكون نسيته في حلب ..
فتحتلي الموبايل و قالتلي : تفضل ...
مسكت الموبايل و حطيته ع أذني و أرجع طلع فيه و أرجع حطه بأذني .. قالتلي : شو في ؟؟؟
قلتلها : الظاهر موبايلك معطل أو عليه فاتورة ...مافي حرارة !!!!!
و اذ الطاولة , قلبت رأسا" على عقب و أصوات الضحك وصلت لمجلس الشعب , أجت أم العروس و ابو العريس و نانا و جدو و العمات و الخالات , يعني أجو كل المعازيم ع صوت الضحك و قالو : شو في ؟؟؟
وحكلولهم القصة ... و العرس كله صار يضحك حتى ابو النارة و في شخص كان عم يتفرج ع العرس من ع سطوح بيته صار يضحك ...
أنا صار وجهي متل البندورة , و تمنيت لو أختفي و تنشق الأرض و تبلعني...و كندرتي المبوزة حسيتها ضاقت على رجلي و صارت مبوزة أكتر ...
المهم ..شرحولي انه بتتصل بالرقم أول شي و بعدها بتكبس الزر الأخضر ...و طلع واحد فهيم الله يرضى عليه قال لي : انت من حلب ؟ اكتب 021 قبل الرقم ..أنقذني الله يعطيه العافية .. لأنه كنت اتبهدلت مرة ثانية ...قلتله : بعرف بعرف ...
اتصلت تليفون .. و رجعت ع الطاولة , و أجت ام العروس ( أحلى من العروس ) عزمتني ع الرقص , قالتلي : انا بحياتي ماضحكت متل اليوم ..عطيني بوسة
و باستني و كانت أول بوسة في حياتي ...
تبا للتكنولوجيا ....
.
السعيد لا يملك كل شيء ، ولكنه يسعد بكل شيء يملكه.
http://mo7it.byethost11.com/
- الملكةعضو نشيط
- رقم العضوية : 20
عدد المساهمات : 621
تاريــخ التســـجيل : 09/12/2016
البلد : aleppo
التقييم و الاعجاب : 3
رد: قصتي انا و موبايل النوكيا 3310
26/11/2019, 7:45 pm
حلوة
صلاحيات هذا المنتدى:
لاتستطيع الرد على المواضيع في هذا المنتدى