طلعت بالسرفيس و معي الف ليرة كاملة . شو صار

اليوم طلعت عالسرفيس ومعي ألف ليرة كاملة مافي فراطة معي ..بدي إتشاطر ....
ومشان ما إشتغل بخود وهات.... ﻷن مقعدي ورا الشوفير....
فقلت بدفع إجرة الميكرو كلو من الألف ...
وباخد أنا الفراطة من الركاب .
عطيت الألف للشوفير
وقلتلو معلم اقطع من الألف الإجرة للمكرو كلو
لسا ماكملت الجملة مابلاقي غير الست يلي جنبي
قالتلي الله يخليك يا ابني...
لك ياستي والله مو هيك قصدي استني شوي !
وإذا يلي بالقعد التاني بقلي الله يجعلها بميزان حسناتك !
لك طيب هدو عليي شوي ياجماعة عطوني فرصة أحكي .
والشوفير بقلي والله إلي عشر سنين بشتغل ع هل خط إنت أول واحد بيعمل هيك .
لك طيب إنت شوف قدامك يرحم أبوك وسكوت واتطلع قدامك بلا ماتفوت بشي عمود وتروح علينا الإجرة كلها .
في وحدة كانت حاطة ابنها بحضنا نزلتو وقعدتو جنبها بمقعد فاضي وبتقلو للشوفير معناها هيك 14راكب صرنا معلم . وواحد ختيار قلي هي شهامة أهل الشام الله يخليلنا الشام وأهلا...وأنا من الصدمة مابقى أعرف شو اعمل اضحك ولا إبكي نزلت من السرفيس وما بعرف اذا كنت رايح ولا جاي
يعدمني ياهون إلهي خربو بيتي ....لك اضرب أنا وشطارتي .

الله يجعلها بميزان حسناتك
بس لا بقى تعيدها