من أين أتت اكلة اللحمة بكرز الحلبية

بعد تفكير عميق وصل للجذور اعرفت من وين أجت أكلةاللحمة بكرز الفخيمة
هدا ياسادة يا كرام كان في واحد حلبي عم يشوي لحمة على البلكون و مرته عاملة مربى الكرز الوشنة وحاططته بذات الوقت على نفس البلكون وابنه الصغير عم يلعب و ينط هو وأخوه قام شاط الطابة فوقعوا طبق اللحمة المشوية المفروش بالبقدونس منشان المنظر فوق صنية مربى الكرز وكان الأدان عم يأدن لأنه رمضان
فقام الاب استشاط غضبا
وحلف يمين بالطلاق انه لازم يأكلوا هل اللحمة المغطسة بمربى كرز الوشنةومافي اكل تاني قامت الام وهل الولاد يقطعوا الخبزة ويغمسوا في الصنية
و كااااانت المفاجأة انه طلعت أكلة نفيسة بتجنن ومن كتر ما تلمطوا اشتها الاب وداق لقمة فجن وطرق الطشت كله ومن يومها صار يعمل عزايم ويعزم عليها أهل حلب وعاشوا
بسعادة غامرة فشكرا جزيلا لك يارمضان
شرح المفردات
الكرز=الكريز
الفخيمة=حاجة عظيمة
كرز الوشنة =نوع معين من الكرز بيكون صغير قوي ومزز المربى بيتعمل منه
تلمطوا= عملوا بلسانهم صوت طقمن كتر ماهي حلوة