شوية امثال عن البنات و النساء و غيرهم

وصلتني شوية امثال شيء بياخد العقل وأكثرهم لأول مرة اعرفهم واسمع فيهم

1 - يلي مالو بنات ... ماحدا بيعرف إمتى مات

2 - أبو البنات شايل ع كتافو حسنات

3 - يلي حظها قوي بتجيب البنت قبل الصبي

4 - البنت هدية ... والصبي بلية

5 - الحياة بدون أخت متل الشارع بلا زفت

6 - ابني هوه ابني لحتى يتجوز ... وبنتي هيه بنتي طول العمر

7 - عشر أصهرة ع باب داري ولا كنة تكشف أسراري

8 - خود المعجعجة وضمها وخلي السنكوحة بحضن امها

9 - النذل يلي متعود عالوخامة مابتناسبو بنت الشرف والشهامة

10 - القرش ما بيخبي الشرش ... والخروق ما بتخبي العروق

11 - لا تاخد ارملة خدها مشموم ... شو ما عملتلها بتقلك مو متل المرحوم

12 - يلي بدها يسعدها زمانها ... تجيب بناتها قبل صبيانها

13 - عشنا وشفنا ومابقى شي يدهشنا

14 - لو ما كان الطول ميهوب ... ما اخترعو للقصيرات كعوب

15 - دللي كنتك واكسبي ودها لانو إذا نوت عالشر ما في شي بيردها

16 - البيت اللي مافيه بنات ما فيه حناين

17 - سودة والخدم حواليها وبيضا وكل الشغل عليها

18 - قصي من لسانك وزيدي ع التنورة ... منو بتدفي سيقانك ومنو بتضلي مستورة

19 - سودا زرقا وقاعدة عالتخت ... وبيضا شقرا مالها بخت

20 - خود السمينة وأوعى تخاف ... منها مخدة ومنها لحاف

21 - ابن الأصل لو طعميتوا خبز حاف ... بيصون وقليل الأصل لو طعميتوا لحم الكتاف بيخون

22 - فكرناهن رخاص ... طلعو مجانا

23 - بنت الأصل بتخلي كوخها قصر

24 - دنيا ما عليها عتب ... فيها المصدي وفيها الدهب

- ﺑﻨﺖ ﺍﻷﺻﻞ ﺑﺘﺨﻠﻲ ﻛﻮﺧﻬﺎ

اول مرة بسمع فيا