هذه هي حكاية حلب عبر حاراتها و سكانها

هي حكايه حلب.......

كان الشيخ طه عم ياكل بهل (زبديه)
من الخضره يلي قطفها
من البساتين يلي حواليه
(بستان رز) ... (بستان الباشا).... (وبستان القصر).....(بستان كل اب)
بس بتعرفوا ليش!؟

الشيخ طه ياكل
خضره كتير لانه ارتفع عنده(السكري)
لدرجه(الاعظميه)
ومابقى اكتر من هيك وفجأه سمع صوت قام فتح(باب الحديد)
وطلع بوجهه(صلاح الدين)
جاي لعندو بزياره هو و(الصالحين)...
(سعدالله الجابري) ... (سليمان الحلبي).... (سيف الدوله الحمداني) ...
(الشيخ مقصود)
(الشيخ نجار)

وقالوله ياشيخ طه هلق كنا مجموعين(بالحلوانيه)
ووعدنا بعضنا(بالصاخور)
وصلينا المغرب بجامع نور الشهداء ب(شعار)
وجيناك مشي مافي (مواصلات)
لنبشرك انه بهل يومين راح تسمعوا عل(اذاعه)اخبار
تفرح قلبك
وانه نور(الفرقان) راح
يضوي على (قسطل)لقلب البلد
وراح تنفتح بواب (الفرج)و(النصر)
وتعم الفرحه من الكبير للولد
بس بدنا ياك تذكرالكل!!؟
انه(سبيل)لهل شي وهو(المحافظه)على الايمان والثبات بالصبر
الجميل وتوكل عل المولى الجليل وبإذن
الله وبجاه ابو(الزهراء)
راح تنالوا(الفردوس)
وراح ترجعوالعز(المدينه)
وتعمروا(حلب القديمه)
وتضوا (حلب الجديده)
وكلو بهون لعيون
(الشهباء)ولاتنسى
حجي موعدنا
(تحت القلعه)
بيض الله وجوه الطيبين
اهداء الى
اهالي حلب الجريحه
انشرها ياحلبي
ياأصيل
نحن في حلب
اكلنا محاشي وعزايمنا كبب
لغينا اللحمة وخبزنا عالحطب

نحن في حلب
غوانا عقيق ومصاغنا دهب
لبسنا الخيش وتكحلنا بالتعب

نحن في حلب
أهل النسيج وخيوط القصب
المعمل انتهب والتاجر انسلب

نحن في حلب
أهل الأصالة والطرب
صارت أغانينا نواح وفرحنا كرب

نحن في حلب
أهل المعالي والرتب
صرنا أهل الشقا والتعب

نحن في حلب
منام ومنفيق
على قولتن/ الله يلعن
اللي كان السبب

تعو احكيلكن عن حلب بس حاولو انو ما تبكوا وانتو عم تقروا ,,
حلب ، هي رائحة الغار و الكمون في أسواقها و خاناتها
هي الهدوء والسكينة في حاراتها القديمة
هي لعب الأولاد بالكرة في حواريها الفقيرة
هي الأنكيدينيا المقطوفة من شجرة المنزل ودوالي العنب
================================
حلب ، هي المربيات المنشورة على الأسطح
هي الفليفلة الحمرة المفرومة لتحضير المحمرة
هي البندورة المعصورة لصنع مربى البندورة المنزلي

هي الخيار و الملفوف لتحضير المخللات للشتاء
================================
حلب ، هي سهرات التركس في أمسيات الخميس
هي قعدات الطرنيب و طاولة الزهر
هي الفول من عند أبو عبدو الفوال كل جمعة
والخبز التازة في صباح كل يوم
هي الجبس الأحمر في أمسيات الصيف الحارقة
================================
حلب ، هي القهوة الاكسبريس في شوارع الجميلية
هي الأراجيل التفاحتين في مقاهي الخالدية
هي البليلة و البذر على ارصفة المحلق
هي ترموس القهوة و الشاي في الحديقة العامة
هي رياضة الصباح في حديقة السبيل
هي رائحة المشاوي على طريق الشام
================================
حلب ، هي السفر إلى اللاذقية في كل صيف
هي الاستجمام في المزارع في كل يوم جمعة
وأسواق سيف الدولة و سد اللوز
وأسواق شارع النيل والأشرفية
هي ازدحام سنتر العزيزية عند العصريات
وتشفيط الشباب بسياراتن عند دوار الموكامبوً
================================
حلب ، هي أزيز المعامل في العرقوب
و رائحة الدجاج في كرم الجزماتي
و نداء الباعة على عرباتهم في الشوارع
هي رائحة اللحوم بكل أنواعها في سوق العتمة
هي أهلا وسهلا شرفتي في سوق اتفضلي
و بسطات الفستق الحلبي على طريق خان العسل
وهتاف المشجعين في استاد حلب الدولي
==============================
حلب ، هي اللحمة بكرز في أول يوم من رمضان
هي السفرجلية و الكبب في أول أيام العيد
و المشاوي بأنواعها في آخر أيام العيد
والمامونية و الشعبيات في يوم مولد النبي
وقالب الكاتو البيتوتي في رأس السنة
و تشكيلات الموالح في سهرات العطل
================================
حلب ، هي ازدحام باص القلعة صباحاً
و عجئة باص حلب الجديدة
و مشاجرات باص سيف الدولة
وبسطات باب جنين وباب الفرج
والخضرة و الفواكة اللي معباي الدني
و اللحوم و السمك في قاضي عسكر و الجديدة
ووجبات المكسيكانو من عند سيرجية
وصندويشة فلافل خرج تتصور معا من عند فلافيلوووو
و 10 سيديات DVD بـ 100 من الجميلية
================================
حلب ، هي اليابان الصغرى و هي المدينة التي لا تنام
حلب ، هي شلال الاقتصاد للوطن و مدينة السحر و السخاء
فإذا أردت ان تضرب الأمثال بالكرم فما عليك إلا ذكر موائد اهل حلب
وإذا اردت أن تلخص التاريخ فلا داعي لأن تقول إلا : حلب ........
=======================

رائعة جدا جدا
رح الطشها

موضوع رائع و حلو كتير
عراسي حلب كلها

من احلى الحكايا