نعم انه المهندس المدني السوري و بلافخر

درس خمس سنين ..يمكن طلعت روحو لحتى شاف شهادة التخرج ..
اول خطوة بحياتو يروح يشتغل بمشروع..
بينقف حالو عالخيط و بيتأنق ليتألق ..
و بحط الطاقية عراسو انو شوفوني انا مهندز
اول ما بيوصل عالمشروع دغري بقلن بصوت أبو بدر بباب الحارة عطوني المخططات !!
قام بقلولو العمال ( روح جيب سندويش فلافل أحسنلك)
بيجي ليتفهمن مع الطوبرجية ..
وعلى قولة :شغلك غلط معلم ..مو هيك علمونا بالجامعة ..
بصير خناقة و بكون رح يخسر راسو بضربة كريك ..
أو بطرقة شاكوش و بضل يسمع جملة ( اقعد عاقل ولاك) او ( روح سوي شاي )
بحس بالملل انو ماعم يطلع بايدو يعمل شي ..ولاحدا معبرو ..
مع الايام.. بيمسك صبة الباطون و بيقعد يشتغل فيها و بصير طوبرجي و طيان محترف و بيرجع عالبيت عايف حالو و تيابو كلها طين و كأنو متسبح سباحة و الطوبرجية مغرقينو بالبيتون .. ( بيلقى دعك )
بعد مدة زمنية بصير صاحبنا مهندس بأناقتو و رتابتو من برا وعلمو النظري ..
و طوبرجي من جواتو و الكل بيحترم خبرتو و شغلو ..

نعم انه المهندس المدني السوري

فعلا انه المهندس المدني