اكبر شريحة خطرة عالانترنت هي !!

اكبر شريحة خطرة عالانترنت هيي فئة البنات يلي اعمارهن 14-15-16 سنة
في بين ايديهن موبايل و فيس و واتس و ما في رقابة اهل ابدا
بتنام هي البنت و الموبايل بايدها و بتفيق و الموبايل بايدها و الله اعلم مع مين عم تحكي ... و بنت بهالعمر بتتأثر بشكل قوي من اللي بتشوفو عالتلفزيون او برفقاتها او بالبنات اللي اكبر منها و بتحاول تقلدهن لتعيش الجو متلهن
بيجي ابن حرام بيقنعها انو انتي صرتي مرتي و لازم نعمل هيك و تتصوريلي هيك و تحكي معي هيك بتقوم هيي بتصدق لانها طفلة و لسا ما عندها الخبرة بالحياة
و بس تنطبش الفاس بالراس لا فيها تقول لاهلها اني غلطت و هيك صار معي و لا فيها تلجئ لحدا غير لرفقاتها اللي من عمرها و اللي رح يزيدو الطين بلة
لسا و الاضرب من هيك ازا كان هاد الشب بيقدر يشوفها و ساكنين بنفس المنطقة ... الله اعلم شو بيطلع معو و شو بيعمل فيها

ديرو بالكن ع بناتكن لان هاد العمر ما في شي اسمها كبرت و صارت صبية و بتعرف مصلحتها .. هاد اخطر عمر عالبنات و عالشباب..

مقال جيد و مفيد