قواعد التعامل مع الرجل

15 قاعدة ذهبية للتعامل مع الرجل :

1- الرجل ما بينسأل شو بدك تتغدى و شو بتحب تاكل، هو بياكل اي شي لو حجار.
2- ما في رجل بيعرف يفرق بين روائح العطور او ألوان المناكير.... مو لازم تزعلي يعني لما ما ينتبه لهالتفصيل المهم والمصيري بحياتك.
3- بإجماع الفقهاء ما بيحب الشوبينغ، و مستعد يتحمل مشقة سفر مشي على مدغشقر ولا يتسوق .... وللأمانة السفر اسهل بكتير .
4- مستعد يحفر جبل غرانيت بمقص أظافر ولا يشرحلك شو عم يصير بمباراة كرة القدم يللي عم يحضرها.... إنسي
5- ما تعتمدي عليه يعير المنبه كرمال يصحى الصبح بكير ...99 بالمية من الرجال بيناموا على أمل إنهم ما عاد يصحو .
6- تناقض غريب ، رغم عدم إهتمامه بالأكل بس بيحب الأكل أكتر شي بالدنيا ، اكتر من المصاري والمناصب وأكتر منك كمان.
7- المنافس الوحيد للأكل عندو هو النوم.
8- إذا كان نايم بعد الظهر حاولي ما تفيقيه إلا إذا صار شي كتير خطر متل نيزك يقترب من الأرض ، أو غزو للكوكب من كائنات فضائية أو...... غير هيك ولمصلحتك ما تقربي عليه.
9- أغلب الرجال بيكونوا خرس بالبيت، وأي محاولة منك لتغيير هالطبيعة البشرية ممكن تؤدي لكارثة ... وخصوصي إذا كان بيحضر أخبار أو فيلم حربي.
10- الزلمة يللي بيساعد زوجته بأعمال البيت هاد كائن أسطوري ومش موجود.
11- الوعود والعهود إلك خلال فترة الخطوبة إعتبريها متل الشاريع الإنمائية..... بتسمعي فيها بس سمع .
12- يوم العطلة فيكي تعتبريه عند الزلمة مرحلة لاستكشاف الذات داخل جدران المنزل . بدك تطلعي روحي وحدك أو مع الأولاد هو مو طالع.
13- لما يتأخر بالسهرة برا البيت ما في داعي لحركات الأمهات وترنيلو كل 5 دقايق.... هاد سبب رئيسي لعقوق الوالدين وللطلاق.
14- ما في زلمة بيقول لزوجته صايرة حلوة إلا إذا كان عامل مصيبة برا........ ديري بالك.
15- بيتابع نشرة الطقس على التلفزيون بس مو كرمال الطقس. .... وفهمك كفاية ، منشان يشوف المذيعة ام تنورة ...

لما يتأخر بالسهرة برا البيت ما في داعي لحركات الأمهات وترنيلو كل 5 دقايق.... هاد سبب رئيسي لعقوق الوالدين وللطلاق

بيتابع نشرة الطقس على التلفزيون بس مو كرمال الطقس. ....
وفهمك كفاية ،
منشان يشوف المذيعة ام تنورة