- Hossamالاشراف العام
- رقم العضوية : 4
عدد المساهمات : 1025
تاريــخ التســـجيل : 12/06/2016
البلد : كوكب الارض
التقييم و الاعجاب : 2
ذا فويس اطفال حلبي . شو صار
16/9/2016, 10:38 am
ذا فويس
خلص برنامج الصوت الخاص بمواهب الأطفال TheVoice
.كتير حبيت هالبرنامج و سألت حالي ( يعني ليش مو انا ؟ ليش ؟؟؟)
استلقيت قليلا على السجادة و انا متعب .. و رحت في سبات عميق .... .
وجدت نفسي عمري 7 سنوات و لابس جينز ازرق سحابه مفتوح و فوقه قميص زهري و كرافة مرسوم عليها المحطة الحرارية بكل عنفاتها ..و عم استنى دوري لأطلع اغني في برنامج ذا فويس كيدز !!
امي و اخوتي حولي عم يشجعوني و المذيعة احضرت لي تويكس بس انا ما أكلتها ، تركتها لبعدين و سألت المذيعة اذا في عندها بونجووسة سمر بالبرتقان .. طبعا المذيعة مافهمت شي و ابتسمت فقط ...
ماكنت معبوط ابدا" ... بالعكس كنت عم استنى اللحظة اللي بدي شوف فيها نانسي عجرم .. و اتشكرها .. اي اتشكرها مابعرف ليش ... نحن تعودنا بس نطلع على التلفزيون نتشكر الجميع .. و لحد هلق مامنعرف ليش عم نتشكرهم !!!
و طلع صوت المذيع (مع صدى ) : و الآن مع الطفل المعجزة زة زة زة الصوت الحلبي بي بي بي :
و دفشتني المذيعة دفشة مالها علاقة بنعومتها نهائيا" و فجأة لاقيت حالي واقف بنص المسرح و الكراسي كلها مبرومة بالعكس ...
و بدأ المايسترو ، بعزف القدود الحلبية..
انا واقف و مبتسم و عيني على الكرسي اللي بالنصف و اللي فيه نانسي عجرم .. سمعت بالميكروفون اللي بأذني صوت المخرج عم يقول لي : ارفاع سحابك يا ابني .. ارفاع سحابك .. حوول حوول
رفعت السحاب بسرعة من شان ماحدا ينتبه علي ..
و بدأ صوت الموسيقى يعلو و الإضاءة صارت كلها موجهة الي و الكاميرا الاخطبوطية وقفت بوجهي ...
و بلشت ...
اوف اوف اوف اووووف ..
درب حلب مشيتو .... كل سجر (و ليس شجر ) زيتووووني
الجمهور كله تفاعل معي ... هون انا تحمست اكتر و طلعت بالطبقة العالية :
ولك درب حلب و الشام و مشيتوووو... كلو سجر زيتوني ....
و بهاللحظة برم كاظم_الساهر و هو عم يصفق لي ...
بصراحة اخذت الموضوع بشكل عادي لانه انا جاي بمهمة معينة و هي نانسي عجرم ... قلت لحالي : عطيها
ودخلت بالمقطع التاني :
ولك حاج تبكي ... لك حاج تبكي و تنوحي
بكرة رح نجي ...
ولك بكرة رح نجي .. يا حلب ولك ....يا نانسي ...ياااااا عيوني ..
و برم تامر_حسني و برمت نانسي_عجرم
انا هون مابعطي فرحتي لحدا ... نانسي برمتلي
دمعوا عيوني من الفرح .. و نانسي فكرت بأني تأثرت بالاغنية و هجمت علي و صارت تبوسني و هون بقى فلتت بالجويعير .. تذكرت قطع الكهرباء و تذكرت قطع المي ... و ابكي و ابكي ..
صرت احاول افكر أي موقف محزن ... فكرت بالقذائف و لما كنت احب وحدة بالصف و قالتلي الجواب الذي جقمني انجقام : انت متل اخووووووي ...
دموعي صارت شلالات متل سنبل و ساسوكي بأفلام كرتون
و نانسي عم تلفني و تبوسني ..
الجمهور كله وقف و صفق لي ...
وكاظم قال لي : الله الله .. ماشاءلله صوتك جميل جدا
قلتله : قول والله ؟
فرد علي : مين رح تختار يا حلو ؟
مارديت على سؤاله .. لأنه الجواب عندي محسوم
قال لي تامر : هو_ده .. صوت و احساس يجننوا .. اختارني انا بقى ...
ونانسي واقفة جنبي و ضاممتني .. طلعت بعيونها ، وقالت لي :
انا عارفة انت ح تختار مين ....
قلتلها : فهيمة و الله فهيمة ..
مسكت الميكروفون و تشكرت الجميع (فلكلور سوري اعلامي لأنه هيك متعلم) و قلت : انا بدي كون ب فريق_نانسي ....
الجمهور كله صفق .. و شفت ابوي ع الشاشة طاقق بكي من الفرحة لأنه عرفان انو رح يجي ع المسرح و يقول لنانسي : انا ابوه انا ابوه من شان بلكي بيطلعله شي بوسة ..
فرحت كتير ...
و فجأة سمعت صوت مرتي عم تقلي : حبيبي خلص الغاز ..و المازوت و المي ..
فقت و انا ع السجادة ... و لسه مالي مستوعب قلتلها : نعم ؟
قالتلي : جرة الغاز خلصت و خزان المي فضي و بيدونة المازوت بح
قلتلها : كلهم مع بعض ؟ لا تخرجي قبل ان تكتبي سبحان الله ...
غيرت الجرة و دقيت لسوتير المي و بياع المازوت ووعدتهم بكرة. وبعدها غنيت : تاري شيخ الشباب حبه بيكوي كوي ي ي ...
ولك في احلى من العيشة بحلب ؟ ابوس روحها الهي ...
بس الحلم كان حلو ..
خلص برنامج الصوت الخاص بمواهب الأطفال TheVoice
.كتير حبيت هالبرنامج و سألت حالي ( يعني ليش مو انا ؟ ليش ؟؟؟)
استلقيت قليلا على السجادة و انا متعب .. و رحت في سبات عميق .... .
وجدت نفسي عمري 7 سنوات و لابس جينز ازرق سحابه مفتوح و فوقه قميص زهري و كرافة مرسوم عليها المحطة الحرارية بكل عنفاتها ..و عم استنى دوري لأطلع اغني في برنامج ذا فويس كيدز !!
امي و اخوتي حولي عم يشجعوني و المذيعة احضرت لي تويكس بس انا ما أكلتها ، تركتها لبعدين و سألت المذيعة اذا في عندها بونجووسة سمر بالبرتقان .. طبعا المذيعة مافهمت شي و ابتسمت فقط ...
ماكنت معبوط ابدا" ... بالعكس كنت عم استنى اللحظة اللي بدي شوف فيها نانسي عجرم .. و اتشكرها .. اي اتشكرها مابعرف ليش ... نحن تعودنا بس نطلع على التلفزيون نتشكر الجميع .. و لحد هلق مامنعرف ليش عم نتشكرهم !!!
و طلع صوت المذيع (مع صدى ) : و الآن مع الطفل المعجزة زة زة زة الصوت الحلبي بي بي بي :
و دفشتني المذيعة دفشة مالها علاقة بنعومتها نهائيا" و فجأة لاقيت حالي واقف بنص المسرح و الكراسي كلها مبرومة بالعكس ...
و بدأ المايسترو ، بعزف القدود الحلبية..
انا واقف و مبتسم و عيني على الكرسي اللي بالنصف و اللي فيه نانسي عجرم .. سمعت بالميكروفون اللي بأذني صوت المخرج عم يقول لي : ارفاع سحابك يا ابني .. ارفاع سحابك .. حوول حوول
رفعت السحاب بسرعة من شان ماحدا ينتبه علي ..
و بدأ صوت الموسيقى يعلو و الإضاءة صارت كلها موجهة الي و الكاميرا الاخطبوطية وقفت بوجهي ...
و بلشت ...
اوف اوف اوف اووووف ..
درب حلب مشيتو .... كل سجر (و ليس شجر ) زيتووووني
الجمهور كله تفاعل معي ... هون انا تحمست اكتر و طلعت بالطبقة العالية :
ولك درب حلب و الشام و مشيتوووو... كلو سجر زيتوني ....
و بهاللحظة برم كاظم_الساهر و هو عم يصفق لي ...
بصراحة اخذت الموضوع بشكل عادي لانه انا جاي بمهمة معينة و هي نانسي عجرم ... قلت لحالي : عطيها
ودخلت بالمقطع التاني :
ولك حاج تبكي ... لك حاج تبكي و تنوحي
بكرة رح نجي ...
ولك بكرة رح نجي .. يا حلب ولك ....يا نانسي ...ياااااا عيوني ..
و برم تامر_حسني و برمت نانسي_عجرم
انا هون مابعطي فرحتي لحدا ... نانسي برمتلي
دمعوا عيوني من الفرح .. و نانسي فكرت بأني تأثرت بالاغنية و هجمت علي و صارت تبوسني و هون بقى فلتت بالجويعير .. تذكرت قطع الكهرباء و تذكرت قطع المي ... و ابكي و ابكي ..
صرت احاول افكر أي موقف محزن ... فكرت بالقذائف و لما كنت احب وحدة بالصف و قالتلي الجواب الذي جقمني انجقام : انت متل اخووووووي ...
دموعي صارت شلالات متل سنبل و ساسوكي بأفلام كرتون
و نانسي عم تلفني و تبوسني ..
الجمهور كله وقف و صفق لي ...
وكاظم قال لي : الله الله .. ماشاءلله صوتك جميل جدا
قلتله : قول والله ؟
فرد علي : مين رح تختار يا حلو ؟
مارديت على سؤاله .. لأنه الجواب عندي محسوم
قال لي تامر : هو_ده .. صوت و احساس يجننوا .. اختارني انا بقى ...
ونانسي واقفة جنبي و ضاممتني .. طلعت بعيونها ، وقالت لي :
انا عارفة انت ح تختار مين ....
قلتلها : فهيمة و الله فهيمة ..
مسكت الميكروفون و تشكرت الجميع (فلكلور سوري اعلامي لأنه هيك متعلم) و قلت : انا بدي كون ب فريق_نانسي ....
الجمهور كله صفق .. و شفت ابوي ع الشاشة طاقق بكي من الفرحة لأنه عرفان انو رح يجي ع المسرح و يقول لنانسي : انا ابوه انا ابوه من شان بلكي بيطلعله شي بوسة ..
فرحت كتير ...
و فجأة سمعت صوت مرتي عم تقلي : حبيبي خلص الغاز ..و المازوت و المي ..
فقت و انا ع السجادة ... و لسه مالي مستوعب قلتلها : نعم ؟
قالتلي : جرة الغاز خلصت و خزان المي فضي و بيدونة المازوت بح
قلتلها : كلهم مع بعض ؟ لا تخرجي قبل ان تكتبي سبحان الله ...
غيرت الجرة و دقيت لسوتير المي و بياع المازوت ووعدتهم بكرة. وبعدها غنيت : تاري شيخ الشباب حبه بيكوي كوي ي ي ...
ولك في احلى من العيشة بحلب ؟ ابوس روحها الهي ...
بس الحلم كان حلو ..
رد: ذا فويس اطفال حلبي . شو صار
17/9/2016, 8:46 pm
هههههه
حلوة كتير كتير
حلوة كتير كتير
.
السعيد لا يملك كل شيء ، ولكنه يسعد بكل شيء يملكه.
http://mo7it.byethost11.com/
- Yomnaاعضاء التميز
- رقم العضوية : 3
عدد المساهمات : 633
تاريــخ التســـجيل : 07/05/2016
البلد : Syria
التقييم و الاعجاب : 0
رد: ذا فويس اطفال حلبي . شو صار
21/9/2016, 3:29 pm
هههههههههههههه
- Loloعضو نشيط
- رقم العضوية : 22
عدد المساهمات : 456
تاريــخ التســـجيل : 21/12/2016
البلد : Aleppo
التقييم و الاعجاب : 1
رد: ذا فويس اطفال حلبي . شو صار
26/12/2016, 7:42 pm
حقو بدو يشوف نانسي و ...
- Lanaالاشراف العام
- رقم العضوية : 6
عدد المساهمات : 813
تاريــخ التســـجيل : 12/06/2016
البلد : Syria
العمـل : طالبة
التقييم و الاعجاب : 4
رد: ذا فويس اطفال حلبي . شو صار
8/1/2018, 7:44 pm
هههههه شي ممكن يصير
صلاحيات هذا المنتدى:
لاتستطيع الرد على المواضيع في هذا المنتدى