نكت ازواج و زوجات

-أرجوكم زوجتي أختفت من يومين لاحس لا خبر
- هدّي أعصابك . عطينا بعض الأوصاف لزوجتك
-معي صورتها
-كتير منيح
شاف المحقق الصورة وتمعّن فيها وسأله
-حضرتك عن جد بدك نلاقيها؟


أعزائي الرجال ,,,,نصيحة
اذا ناويين تغيرو مستقبلكم للأفضل غيروه وانتو عزابية
لانه بس تتزوجو ماراح تقدرو تغيرو قناة عالتفزيون.


معقول حضرتك من اللاذقية والبحر جنبك ومابتعرف تسبح؟
-أي معقول .معقول انت من حلب وساكن جنب المطار ومابتعرف تطير؟

عالهاتف
-حضرتك أستاذ خالد
-اي نعم. خير مين حضرتك؟
- نحن المسؤولين عن حديقة الحيوانات. حماتك وقعت ببركة التماسيح
-التماسيح لمين؟ الكن؟
-طبعاً التماسيح النا
-أصبح أنقذوهم أنتو.


أرسلت رساله SMS لزوجها :
-البغل مات ...نشتري بغل ولا نستناك


للتعارف بقصد الزواج
فلاح يملك أرض مساحتها عشرين هكتار.
يبحث عن زوجة تملك تراكتور
الرجاء أرسال صورة.....التراكتور


-دكتور شو نتيجة التحاليل؟؟
-عفواً انت شو برجك؟
-برجي السرطان
-انعمش عهالصدفة


ليس مرعباً أن تشاهد فيلم رعب وحدك في غرفة مظلمة
الرعب ان تعطس وحدك في غرفتك المظلمة وتسمع من يقول لك يرحمك الله.


-حبيبي. هالفستان مابحبو بيساويني سمينة وبشعة
-وأنا كمان مابحب هالقميص بيساوي لوني أسمر
-بس أنت أسمر حبيبي
-وأنتي .....خليني ساكت


كم هو شاسع الفرق بين المرأة والرجل
المرأة المستلقية على الكنبة تثير الرجل
الرجل المستلقي على الكنبة ينرفز المرأة.


دخلت على زوجها وأصدقاؤه
-شوف حبيبي.....أذا بتضل هيك كل يوم تلعب تركس وطرنيب لوش الصبح أقسملك أني راح أطلب الطلاق وأتجوز غيرك.
-متل مابدك حبيبتي...بس رجاء لاتتجوزي حدا من هدول التلاتة.


-ليش حضرتك تأخرت عالدوام؟
-آسف عالتأخير.زوجتي عند أهلها وانا وحدي بالبيت
-أنت قلت أنك بتصحى عجوالك
-صحيح حضرة المدير.زوجتي كانت تنزعج وتضربني بالجوال عراسي .


العائلة السعيدة
-حبيبي ليش مابتطلع مشوار تشرب نفَس أركيلة أنت ورفقاتك؟
- ماشي حبيبتي .بس لخلّص الجليات.


المرأة الذكية لاتصرخ بوجه زوجها أبداً ....يجب أن يخاف من نظرة واحدة.

حلوين كتير