قصة القصيرة و اخواتها الشباب و العرس

منقووووووووووولة

كنت قاعدة أنا وماما وبنتابع قناة لنا ، إندق الباب جارتنا أم العز
قالتلنا الخميس معزومين على كتب كتاب #عزو على بنت جارتنا بالبناية التانية #سوسو
قلتلا ما هية صف تامن صغيرة ، لسا هداك اليوم كانت أمها ناقعتلا راسا بزيت الكاز وموقفتا عالشمس عشان يموتو القملات أيمت لحقت تكبر ؟!
قالتلي حبيبتي روحي هلق شوفيها صايرة أطول منك ب 5 مرات ولزقتها بوجهي وع قولة المتل
الطويلة هيبة وعز ، والقصيرة متل حبة الرز
أخواتي الشباب كانوا منجعيين عالكنبا قلبو على ضهرون ضحك
بس راحت فتحت الكرت لشوفو ، قام نط أخي قلي شوفي كم كرت باعتين ؟!
قام قلو أخي التاني لك شبك يا زلمة اكيد باعتين كرت للكبار وكرت للأطفال ، يا اختي لا تروحي جنة الأطفال منازلهم
أنا زعلت و عصبت و رحت ابكي
سمعت ماما عما تقلّون روحو صالحوها ، عيب عليكون اختكن طالبة حقوق مالها صغيرة تتمسخروا عليها ، شو ذنبها اذا طلعت لعماتها نص دكة ، شبر ونص روحوا صالحوها واحضنوها يله
قلا أخي والله خايف احضنها واكبس بالغلط على بطنها وتغني #ياطيبة_ياطيبة أو ilove you
........
فاتوا ع غرفتي ع أساس يصالحوني. كنت واقفة بالبرندة زعلانة
قال أخي وينها هالزمكّة اكيد حردانة جوا الكوميدينة
قال التاني ليكا عالبرندة تعا نصالح السيدة ملعقة
قلتلون : شو جابكون لهون ؟!
قالولي جايين نعطيكي نصائح وقائية إذا رحتي عالعرس الأول قلي : اذا طلعتي من البيت وكانت عما تمطر ، أوعك تحملي شمسية لأنو العالم رح تفكرك #حبة_فطر
التاني قلي : أوعك تلبسي بالعرس بلوزة خمري وبنطلون اسود لانو الناس رح يفكروكي #حبة_إلتهاب
أوعك ثم أوعك ترقصي ع البيست لأنو بجوز كل شوي ينادوا عالميكروفون (( كل وحدة تضب ولادها من عالبيست ))
#المهم عضيتهون وقلعتون من الغرفة ، وقلت خلص مارح روح مارح روح
بعدين قلت هلق بفكروني غيرانة ولازم روح ..
#رحنا_عالعرس_وخلص وأنا طالعة من باب الصالة ضربت بواحد جابني لزق عالأرض ، قلي أنا آسف والله ما انتبهت عليكي وتفركشت فيكي
وبلش يعتذر مني ومن أمي ويقلا والله ما بقصدي ...
ومافي غير يتصفن عليي من فوق لتحت بس يلي صبرني وما بهدلتو انو حليوة
مشيت لقدام وصرت اسرع بخطواتي ، تركتون وماعاد عرفت شو عما يحكو ...
وبس وصلت عالبيت شلفت كندرة أم 17 سم وشلفت حالي عالتخت بدي نام
وما تغطيت بالبشكير متل ما الكل بيفكر
فتحت جوالي لقيت مسج عالواتس من رقم غريب مكتوب فيه
(( قل لتلك #القصيرة ؛ خُلقتي جميلة لأنحني لكِ .. ))
قلت مين معي ؟!
قلي : أنا الشب يلي ضربت فيكي بالغلط
ورقمك اخدته من أمك بعد ما اتفقت زوركون الخميس انا وأهلي نخطبك لانو عجبتيني وبدي قرارك اجي أو لا ؟!
قلتلو بس مو يبلشو اهلك يقولوا قصيرة
قلي : انا حبيتك لأنك هيك ، وأصلا" أنا هيك ، وبعدين بنلبق لبعض
القصيرة دلع وكياتة مو متل الطويلة اذا اتدلعت بتشبه الجمل السكران
لك البنت القصيرة اذا بدا تجيب شغلة من ع #الرف وقت توقف ع أصبيعا بحسا بتشرشر أنوثة ودلع ...
أما الطويلة بحسا بأدغال أفريقيا مع الزرافات أو حارس مع منتخب الموزنبيق
ضحكنا ، وانبسطنا ، وأجوا أهلوا واتفقنا على يوم الخطبة ، وأموري عالتمام بس يلي معكر صفو حياتي هنة أخواتي يلي متنحين يحطوا اغنية الزفة موسيقا #السنافر

ايوااااا
بس عنجد مظلومة