الدكتور المؤرخ سهيل زكار و موسوعته عن الحروب الصليبة

سهيل زكار ( اتولد فى حماه ، سوريا ، 1936 )،
باحث و محقق تاريخى و مترجم و مؤرخ سورى كبير بيعتبر أكبر مؤرخين الحروب الصليبيه
فى منطقة الشرق الاوسط فى العصر الحديث.
الف حوالى 260 كتاب اشهرها موسوعة الحروب الصليبيه التى تتكون من 95 مجلد
من أهم و أدق و أشمل اللى اتكتب بالعربى عن الحروب

فى سنة 1991 وافق الرئيس الأسد على مشروع عمر سهيل زكار و هو اصدار كتاب كبير عن تاريخ الحروب الصليبيه
و من ساعتها و هو بيكتب و بيطبع الكتاب ده اللى بيعتبر اوسع و اشمل كتاب من نوعه على مستوى العالم و من المفترض انه حا يكون من 45 الف صفحه فى حوالى 95 مجلد.
و فى نفس الوقت حقق سهيل زكار و ترجم كتب كتيره عددها حوالى 260 كتاب.

بيعتبر سهيل زكار ان اللى بيشتغل فى تاريخ المنطقه العربيه لازم يتقن ثلاثة فنون هى
: التحقيق و الترجمه و التأليف ، و من المؤرخين القدام اللى بيعتز بيهم ابن اسحاق ، و ابن الجوزى ، و الزهرى ، و خليفة ابن خياط ، و ابن كثير.

و بيقول سهيل زكار انه فى " موسوعة الحروب الصليبيه "
بيستخدم نصوص محققه و مترجمه و ده لإن الترجمه مهمه جداً بسبب ان لو المؤرخ فى المنطقه العربيه امين بيلاقى سيف الرقابه مسلط على قلمه فعشان كده ساعات كتيره بيضطر " يلطف "
و يطمس و عشان كده لازم الاطلاع على مصادر متنوعه بلغات تانيه ،
و ان معالجته للحروب الصليبيه اضطرته انه يستخدم مصادر مش عربيه اتكتبت بالسريانى و الارمنلى و اليونانى
و الالمانى و الصينى و المنغولى عشان يقدر يدى صوره بانوراميه واقعيه لأحداث الحروب الصليبيه لإن الحدث كان ممتد فى كل مكان العالم

من مؤلفاته:

اخبار القرامطة (تحقيق)
مدخل الى تاريخ الحرب الصليبية
ماني والمانوية
مختارات من كتابات المؤرخين العرب
امارة حلب فى القرن الحادي عشر الميلادي
الاعلام والتبيين فى طروح الفرنج الملاعين (تحقيق)
الانحياز (ترجمة)
موسوعة الحروب الصليبية
تاريخ العرب والاسلام
تاريخ يهود الخزر

منقول من الموسوعات