الحكي و السكوت انواع

متل مو #الحكي في منو أنواع ... حكي بيعمّر، حكي بيدمّر وحكي بيوجّع وحكي بيريح ...

#الصمت كمان إلو أنواع .. مو كل السكوت رضا
- في #سكوت_عتب .. متل لمّا تعاتب شخص ع شي بيزعجك ويرجع يعملو للمرة الألف .. وقتا بتسكت لأن الكلام ما رح يفيد ..

- في #سكوت_شوق .. متل وقت تروح تحاكي حدا مشتقلو و يردلك رد قاسي يكسرك .. وقتا بتختار تشتاق ع السكت

- في #سكوت_تعب ... متل لمّا تتعب من كل شي وتنطفي لهفتك وتصير الدني بعيونك باهتة .. وقتا بتسكت لأن ماحدا رح يفهمك

- في #سكوت_خذلان .. متل وقت تكون متوقع من حدا شي ويخذلك .. وقتا بتختار تسكت لأن ماحدا جبرك تتأمّل بحدا !

- في #سكوت_خيبة ... متل وقت تفكر حالك غالي ع حدا، وإنو بيحارب الدني كرمالك وتكتشف العكس .. وقتا بتسكت لأن مافي كلام يوصف خيبتك ..

- في #سكوت_قرف ... متل لمّا تشوف كيف الناس عايشين بألف وجه وكمية النفاق والكذب المُحيطة فيك ... وقتا بتسكت لأن مافيك تغيّر شي ...

- وفي #سكوت_قالت_عنو_فيروز "الصمت عنوان التخلّي" ... متل سكوت الشخص اللي بتحبو وقت تحتاج كلمة حنونة منو ... وكأن صمتو عم يقلك "أنا تخلّيت عنك"

الصمت كمان بيحكي ... بيحكي كتير بس محتاج حدا يفهم صمتك، ويشوف شو مخبّي وراه مشاعر وأحاسيس !

حلوين

كلام صحيح