حاج تعزموا بعض متل #بيت_فستق .. من اين جاءت ..

حاج تعزموا بعض متل #بيت_فستق
شو قصة بيت فستق الي صاروا مضرب مثل بحلب و بكتير مناطق بسوريا ؟؟
هاد ياجماعة بيت فستق هنن عائلة كبيرة كانوا يسكنوا بحي اسمو حي قارلق بمدينة حلب القديمة.
و كانوا يجمعوا بعضهن بالأعياد للزيارات والمعايدات
و لما يزوروا أي بيت و يفتحولهن الباب يبلش كل واحد منن يقول للأكبر منو تفضل،والكبير يرد عليه لااااا من اليمين "دخول لك خاااي" ، يحلف التاني لااااااا والله إلا لتتفضل أنت، يرد عليه والله ما بتدخل إلا أول واحد وقبلي، و الوضع هاد كان يستمر لدقايق بشكل غريب
،وكانوا آل فستق معروفين بصوتهن الجهوري، لدرجة أحياناً يطلعوا الجيران عصواتهن ليعرفوا شو القصة (يفكروا في مشكلة)، و يجيهن الجواب المطمئن (مافي شي هدول بيت فستق عم يتعازموا)، وعيد ورا عيد وزيارة ورا زيارة تعوّدت الناس على عادة بيت فستق، وصار ينضرب فيهن المثل بالمعزّة والاحترام الزايد، وانتشر المثل لكل حلب، حتى اليوم بمعظم مدن سورية ما بيعرفوا قصة بيت فستق

احلى بيت فستق و احلى جيران و احلى مدينة