إبنك مات ياحجة

قصة المساء
إبنك مات ياحجة

مسا الخير ياحجة ، كيف احوالك ؟
= الحمد لله ياابني .
- انا جاي منشان ابلغك خبر مو حلو
= بعرفو من لما دقيت الباب .
- اللي هويه ؟
= ابنى مات صح ؟
- اي نعم ياحجة ..الله يعطيكي الصحة والبقية فى حياتك
= تعال اتفضل اشرب شاي.
- شاي ! قلت لك ابنك مات !
= سمعتك ياابني .. ابنى ميت من زمان .. بس قولي كيف مات هالمرة ؟
- مات هالمرة !! كان واقف في محطة القطار .. فيه قطار مسرع اصطدم بالرصيف واشتعل , وكل اللى حواليه احترقوا .. للاسف ابنك حتى مالاقينا منه غير التراب
= سكرك وسط ياابني ؟
- شو في ياحجه بس !
وبعدين شو معنى كلامك انو ميت من زمان انا ماعم أفهم ؟ وشو سر الصبر اللى عندك والهدوء هاد ؟
= ياابني .. ماحدا بيهرب من قدره .. انا بعرف انو ابني بدو يموت .. بس كنت عم حاول اخليه جنبي أطول فترة ممكنة.. ابنى ميت من زمان من لما اتخرج من كلية الهندسة وما لقى شغل .. ومات مرة تانية لما حب وحدة وكان نفسه يتجوزها وماكان معو يجيب شقة يسكن فيها معها .. ومات مرة لما اشتغل شوفير تكسي وهو خريج هندسة .. ومات كمان مرة لما ابوه مات وشال همي وهم مرضي ومامعو يجيب حق الدوا ومات مرة لما ..
- بيكفي ياحجة ..
= بتعرف ياإبني ..ابني لما طلع من البيت اليوم كنت حاسّة انه بدو يموت للمرة الخامسة ..كان مسافر عالعاصمة وموعود بوظيفة ..قاللي رح اسافر بالباص .. قولتله ياإبني بلا الباص ، حوادث الباصات كتيرة هالأيام سافر بالقطار أأمن وأريح .
- والله مابعرف شو بدي أقول لك ياحجة .. عموماً لاتزعلي الحكومة رح تصرف لك تعويض كويس .
= خلي التعويض للحكومة ياإبني مابدي تعويض .. خليهم يعملوا فيهم صيانة لفرامل القطارات وقولهم ام محمد بتقولكم اشتروا فرامل .. يمكن بهالحالة ماحدا بيموت .

كلام صحيح