وصية حمايه لبنتا يوم العرس

وصية حمايه لبنتا يوم العرس

يا بنتي هلق انتي طالعة من بيت امك وابوكي لبيت الاهبل اللي رضي يتجوزك بدي اوصيكي هدول الوصايا حطيون حلق بادانيكي..
1- اقطعي راس القط من اول ليلة لاتفتحيلو مجال يبادر بشي طاول طاول
2- اذا شفتيه مبسوط ... قلبي بوزك شبرين وكرهيه حياتو , واذا شفتيه زعلان ومبوزم اصطهجي وساوي حالك الدنيا ما وسعانتك من الفرحة
3- كل ما ضربت عينك بعينو قليلو امك عملت هيك واخواتك ساوو هيك ، وضلي وزي براسو وزني بادنو حتى يجبلك حوش لحالك

4 - اهم شي خليكي عبتمننيه انه باس الايدين وحفي وعري حتى ياخدك , وانتي بالاصل ما كان بدك ياه ، وانو تقدملك كذا واحد احسن منو بمية طاق وانتي حلقتيلون

5- ولا تخلي ببطرونو ولا ورقة خليه عطول مشبّر و مجنّط مشان يضل عبركض ليل نهار ليأمنلك طلباتك .

6- وعلقيه بولد من اول شهر مشان ما بقا يفكر يطلقك واذا بتعلميه يفك ويحفض اكوسلك

7- واذا عزم حدا من اهلوا او قرايبينو او حدا من رفقاتو ، قلبي وشك طاقين وتأففي وعفرد كلمة اليوم حست البيت ورفقاتك خنقو البيت بالدخان وانا حبلة.

8- واذا كان عند بيت حماكي مناسبة عملي اي حجة مشان ما تحضريا… مكربه . تعبانه . من هدول الحجج اللي كنت اتحجج فيون لابوكي قبل ماينجلط الله يرحمو

9- واذا شفتيه ناوي يشارك بفرح لحدى من اهله او قرايبينو اطلبي منه يجيبك لعنا ، بحجة امي وقعت وهي عبتقطف اليبرق من الديليه وانفكشت اجرا خطي منشان اشق عليها

10- اعمليلوا غرفة النوم مطبخ .... وغرفة القعدة ( معتقل ) منشان لايتهنى لا بأكلة ولابشربه ولابنومة ولابسهرة
11 - واعرفي منه لوين راح ومن وين اجا واشو ساوا واش اكل واش شرب ومع مين حكا ومع مين لقش
12- اذا صار وقت النوم وحطيتوا راسكن عالمخدة طالعي كل شي طلبات عندك طبخ نفخ تصليحات تركيبات تعزيل صوبة نفض سداج دوخيه دوخ ، ماتوقفي طلبات لبين ماتسمعي شخيرو
13- اذا شفتيه مبسوط بالنومة وكان الجو شوب طفي المكيف والمروحة وغطيه بحرام ابوكي اللي عطيتك ياه تبع العسكرية خليه يقلب متل الشوندرة .

هيك يا بنتي بيكرهك وبيطلقك وبتاخدي كل دهبك ومهرك وبتجي لعنا منجوزك سيد سيدو

خربت بيتها