ماذا يمكن الاستفادة من بقايا فنجان القهوة . الطحل

دائماً منشرب فنجان القهوة ومنترك الطحل أو تفل القهوة بآخر الفنجان ومنتخلص منو مع أنه ممكن نستخدم #طحل القهوة بكتير طرق بحياتنا اليومية
لتسميد الزريعة أو أيا نبات موجود بالبيت لأنه القهوة فيها معادن أساسية بتساعد بنمو النبات متل الكالسيوم و المغنزيوم و الكروم بالإضافة للنتروجين و بتقلل من وجود المعادن الثقيلة المضرة للنبات
بتبعد الحشرات لأنه فيها مواد سامة للحشرات متل الكافيين والديتيربين
للأشخاص يلي عندهم حيوان أليف فيهم يستخدموا القهوة ليبعدوا البراغيث عن حيواناتهم
بتساعد بامتصاص الروائح و بتقضي عليها متل ريحة الأطعمة الفاسدة أو المعطرة بالبراد أو التلاجة
بعد تقطيع #البصل والتوم فيكي تفركي ايديكي بطحل القهوة لتتخلصي من الريحة المزعجة
فينا نستخدمه كمقشر طبيعي #للبشرة لأنه بزيل الأوساخ و خلايا الجلد الميتة، بالإضافة لهاد الشي بشد البشرة و بيعطيها نضارة و الكافيين الموجود بالقهوة بيحتوي على مضادات أكسدة قوية بتساعد بحماية البشرة من أضرار أشعة الشمس
ممكن نستخدمه بالتنضيف كمادة كاشطة أو ممكن نحطه بصحون البيض قبل الجلي لنتخلص من الريحة المزعجة
بقلل من ظهور السيلوليت، لأنه بزيد تدفق الدم للمنطقة المحطوط عليهاا بشكل موضعي وبساعد على تكسير #الدهون تحت الجلد و بالتالي منتخلص من السيلوليت
ممكن نستخدم تفل القهوة لصبغ الشعر وتغيير لونه أو لصبغ أيا بقعة موجودة عالأواعي
تطراية اللحمة قبل الطبخ و تعزيز نكهتها لأنه فيها أحماض و أنزيمات طبيعية بتساعد على #تسريع استواء اللحم
بتحفز نمو #الشعر وبتقشر فروة الرأس و بتخلصنا من الخلايا الميتة المتراكمة
علاج #الهالات السودا تحت العين، لأنه فيها مواد مضادة للأكسدة والكافيين اللي بساعد على تدفق الدم للمنطقة و بالتالي بتقلل من الهالات السودا
حتصيروا تستخدموا تفل القهوة ولا حتكبوه؟

معقول كل هدول

كتير هيك

مشكورين