حلبي فتح محل جملة بدير الزور. صرنا فرجة

اليوم ع الطريق كان معنا شب من دير الزور
ابن اخوه لأحد أصدقاءنا نازل زيارة وحب يشاركنا بمشوار
طول الطريق ساكت بس يسمع ويوزع إبتسامات

لبين ما وصلنا وقعدنا      فتحلااااا
قال انتوا الحلبية عندكم قدرات رهيبة بجد مو مجاملة
قلي يا زلمة فتح عنا تاجر حلبي محل جملة بدير الزور بنص السوق
قلي لسا ما صرلو شهر فاتح صار يدين تجار ومحلات ما بيعرفهم
ايمت من جيت أبوي والجيران تاركة محلاتها وقاعدة عنده
يشتغل ويلحق للمحل وللأجارة وللزباين وللهاتف وللضيوف
قلي لك حتى ع الرصيف بيقعدوا بس يسمعه حديثه
صوات الضحك لآخر السوق يدخل بقصة يطلع بحديث
والكل عم يسمع ويضحك قلي بتحسو هو الأستاذ والبقية طلابه
وقت يعزموه ع العراس كل المعازيم تجي تسلم عليه كأنو ابو العريس
عنده جوات المحل مكتب ساواه مطبخ الكل يروح يفطر ويتغدا معه
يطبخ أشكال وألوان ولا أكدع شيف ويوم الجمعة يشوي ع الرصيف
ما يقصر .. تعدي عربية جبس يشتري وراها جانرك يشتري اش من شاف يشتري تقول موحم .. يا زلمة صارت الي جاية تشوف جوزها تعدي ع محل الحلبي تتأكد قبل ما تروح ع محل جوزها ...
وأحلا الشي لما يجوا بقية الحلبية ويجتمعوا سوا
تقول مسرحية ما بيخلوا ميت بتابوته

ابتسمت إبتسامة صفرة وقلتلوا بقلبي هي جنحة
لسا لو تشوف النساوين الحلبية وقت يجتمعوا سوا

بيعملوا عجايب