الفرق بين انواع لقاحات الكورونا

الفرق بين الأنواع المختلفة من لقاحات كورونا

لقاح سينوفاك الصيني

بيشتغل بأقدم تقنية لصناعات اللقاحات عرفتها البشرية, وهي التقنية اللى بتنعمل فيها كل اللقاحات اللى تعرفوها وكلنا أخدناها أطفال وكبار, وهى تقنية الفيروس المعطل.
بمعنى إنهم بيجيبوا فيروس كورونا نفسه ويسلبوه قدرته على إحداث العدوى, بيموتوه, وبعدها يحقنوا فيه الشخص, فالجهاز المناعي يتعرف على شكل الفيروس ويصنع أجسام مضادة تحمي الجسم من العدوى بالفيروس الحي لما يدخل الجسم.

لقاح أسترازينيكا
بيشتغل بتقنية الناقل الفيروسي, ببساطة بيجيبوا فيروس ضعيف من اللى بيصيبنا كلنا يوميا من غير ما يسبب أي مشكلة, ويغطوه بالغطاء الخارجي لفيروس كورونا أو بالبروتين الشائك لفيروس كورونا (يلبسوه جاكيت فيروس كورونا يعني) فتكون النتيجة إن الجهاز المناعي لما يشوفه يفتكره فيروس كورونا, فيصنع أجسام مضادة له, وبالتالى الأجسام المضادة تحمي الشخص من العدوى الحقيقية.

لقاح فايزر بايونتك الأمريكي
بيشتغل بتقنية mRNA
أو آر إن إيه اللى سمعتوا عنه فى الثانوية , وهاي أحدث تقنيات عمل اللقاحات, عيبها الوحيد حاجة اللقاح لظروف حفظ معينة صعب توفيرها وهالشي بيخليه مكلف ومو عملي لأنه سهل التلف, فكرته ببساطة إنهم بياخدو mRNA للفيروس اللى بيستعمله فى بناء البروتين الشائك الخاص فيه, ويقطعوه لأجزاء صغيرة جدا , ويستعملوها فى تصنيع اللقاح بشكل إنه يستهدف خلايا معينة فى الجسم, فاللقاح لما يدخل الجسم, الخلايا المستهدفة تستجيب للرسالة الوراثية وتصنع بروتين شائك شبه اللى بيبقى على سطح الفيروس , فتبقى هى نفسها شكلها شبه خلايا الفيروس, فالجهاز المناعي مابيعجبوا الحال ويدمرها ويكسرها مليار قطعة, فيطلع منها أجزاء البروتين الشائك, فالجهاز المناعي يشوفها فيعملها أجسام مضادة تدمرها وتفضل هي موجودة.
فطبعا لما الفيروس نفسه ببروتينه الشائك يدخل الجسم الأجسام المضادة اللى عملها الجهاز المناعي تدمره ومابتصير العدوى.

لقاح موديرنا الأمريكي
يشتغل بتقنية mRNA لكن يحتوي نسبة عالية من الحمض النووي الريبي وبفاصل اطول بين الجرعتين مقارنة بلقاح فايزر

لقاح سبوتنيك Vالروسي
يشتغل بتقنية الناقل الفيروسي ولكن يستند الى ناقلات فيروسات بشرية بدلا"من ناقلات فيروسات من الشمبانزي (مثل الاسترازينيكا) وهو أكثر أمان وأعراضه الجانبية قليلة

تمنياتي للجميع بدوام الصحة والعافية .