الله يصلحك يا رامز بدك ترعب الناس تعال صور بحلب

الله يصلحك يا " رامز جلال"
بدك ترعب هالناس برمضان
كنت تجيبهم لحلب أحسن ما تستأجر فنادق
ومختصين و حوامات عنا أحلى رعب وببلاش

خيو بتجيب ضيفك عن طريق خناصر وخود رعبات ودمار حقيقي

بيصل على مدخل حلب بيستقبلو قناص العامرية
بينتظر ليصير الليل بتمشي السيارة بلا أضواء لتتدخل

حلب من طريق ترابي بيوصل حلب لا ماء ولا كهرباء والأمبير خلص وقته وبالعتمة

بتنزل هالقذائف والهاونات وجرات الغاز متل المطر
ليمضى الليل والصبح نزله على بستان الزهرة و بيشوف القذائف شخصي
بتقوم بتهرب معه عالميدان او الزهراء
و هات يا جرر غاز و طلقات متفجرة وسيارات اسعاف واطفاء
ولما بتنهار اعصابه بيجتمع حوله الحلبية وبيصفقولو

وبيعصب الفنان وبيضربك وما بخلص المقلب بياخدوك على مشفى الرازي او الجامعة و هنيك رح تشوف ملاك
اينا ملاك بدك اكيد مو ملايكة الرحمة
رح تشوف ملك الموت بعيونك مت مناظر الدم و الاشخاص القتلى و الحرحى و لكن مو تمثيل ابطال حقيقين . بيخلص المقلب
اللي نحن صار لنا عايشين فيه خمس سنين....عم نلعب بالنار

اذا كنت صحيح راجل تعال لعنا على حلب و صور حلقة او بالاحرى رح تكون انت بطل الحلقة و تكون انت الضيف و انا واثق تماما ستنهار من البكاء و تقول بدي اعتزل .

كل التحية للعاملين في مشفى الرازي و مشفى الجامعة ادارة و اطباء و فنيين
لانهم فعلا جنود مجهولين و لكن نراهم كل يوم .

اكيد اكش بس حقيقي موتمثيل.

برنامج صاير بايخ و ممل

هههههه فعلا تعال لعنا و شوف الرعب على مدار الساعة
مع ذلك رح تشوف الاطفال عم تلعب بالشارع

هههه بس احلى لما راغب علامة مسح الارض فيك يا رامز

في وحدة كانت رح ترمي حالها من سطح البناء