اراد ان يطلع مشوار مع مرتو شو صار

في أحد الصباحات الجميلة والمشرقة
استيقظ الزوج نشيطا و فرحا
وايقظ زوجته الجميلة

الزوج : حابب روح اتمشى
تروحي معي
نعمل رياضة و نغير جو و بركي منفطر برا؟
الزوجة : شو قصدك يعني
أنا سمنانة و صايرة دبة ؟
لا وفوق هيك بدك تاكل برا مو عاجبك أكلي مو
الزوج : لا لا !
ما قصدي
انا قصدي
ان المشي رياضة ممتازة للصحة
خاصة الصبح
الزوجة : هاه
يعني قصدك انا مريضة و ما بقى أنفع لشي ؟
الزوج :لا يا بنت الحلال !
ما هيك
قلك خلص
خلص
اذا مالك مشتهية تمشي
ما في مشكله كملي نوم
الزوجة :
يعني أنا كسلانة بنظرك ؟
الزوج : لا لا لا
اكيد فهمتيني غلط
انا ما قصدي هيك ابدا
الزوجة : طيب قلي !
يعني انا
ما قدرت افهمك
شو شايفني غبيه
ما هيك قصدك؟
الزوج : حاشا لله انا ما قلت هيك خلص
ارحميني خلص !
الله يعيننا على هاليوم
الزوجة : يعني أنا عم بكذب واتبلى عليك !
الزوج : دخيلك
لا تعكري مزاجي
على الصبح
الزوجة : يعني هلق أنا اللي طلعت نكدية ،
ومنكده عليك عيشتك
ما هيك !
الزوج : خلص ما في فايده
ارجعي نامي
وانا بروح بتمشى لحالي مبسوطه هيك؟
ارتحتي؟؟؟؟
الزوجة : هااااه
هاد يلي بدك توصله
تروح تتمشى
و تنبسط لحالك
وانا أقعدة هون ملطوعه
بين اربع حيطان
الزوج : اسمعي يا بنت الناس
انا غيرت رأيي
وما بدي اطلع ارتحتي؟
الزوجة : أصلاً انت دايما هيك
وكل مرة بتنهي فيه
كل نقاشاتنا
بهي الطريقة ..
الزوج : لا حول ولا قوة الا بالله
الزوجة : ليش بقى عم تحكي هيك
أصلا انت أناني
و ما بتفكر الا بحالك
ولا عمرك فكرت فيني
ولا اهتميت بصحتي وراحتي
الزوج :
حسبي الله ونعم الوكيل ،


بيستاهل ليش لحتى يفيقها

ههههههههههههههههه
بستاهل

بس مو كل الزوجات هيك

حلوة
تعيش و تاكل غيرها