وحدة راجعة من العرس و نادت على بنتها

وحدة كاتبة:

رجعت امي من العرس وقعدت في الصالون
وانا وأخواتي صرنا نسألها عن العروس ..
بعد شوي غمزتني امي ومشت قدامي عغرفتي
ونادت علي قالتلي تعالي عاوزتك شوي .
انا اتلبكت وخدودي احمرو وخجلت
قلت اكيد وحدة في العرس حاكية معها بخصوصي
الله العليم جارتنا ام فراس ما في غيرها
كل عرس مابتقيم عينها عني
و ابنها والله محترم
صح مش متعلم بس شغيل .
حتى لو مادياته على قده ..
شو يعني اذا معمر فوق دار ابوه .. عادي كتار هيك عايشين
يا بنت لا تتشرطي كثير المهم تتهني معه .
وحطيت براسي قائمة المعازيم ولون الفستان
والذهب والمهر والكسوة
وشهر العسل .
من زمان جاي عبالي اروح عاليونان بشهر العسل .
فتت عالغرفة وقلبي عم يدق وعيني في الارض ..
وقلت لإمي : ماما خير شو في ؟
تبسمت ومدت ايدها عجزدانها وطلعت محرمة فيها شقفة بقلاوة مفتفتة
وقالتلي:
كليها هون بسرعة وبعدين اطلعي .. اوعي تفرجيها لأخواتك .

بهذا الظرف القاسي
نعم بتصير