وقع الرواتر على الارض و انقطعت اشارة الواي فاي . شوفو شو صار

امبارح الراوتر وقع على الأرض والواي فاي توقف عن البيت كله.
قلت خير وبركة أرتاح شوي من النت.
طلعت من غرفتي وعملت فنجان قهوة وقعدت في الصالون .

شوي والاقي ابني طلع من غرفتو، واول ما شافني لفني وبوسني وعمل شاي وقعدنا نحكي شوي. إش اخبارك ياإبني خطبت إلا لسا إش عبتشتغل وفين و..و... قاطعني وقال: عيفك من اخباري، بابا انت إش عبتساوي في البيت اليوم ؟!، اجازة من الشغل ولا هربان؟!! قلتلو ،لك ابني انا طلعت عل تقاعد من سنتين ، وانت فين عبتشتغل حالياً ؟
قلي انا اتخرجت من الجامعة واتوظفت في شركة كبيرة..
اي والله اشتقتلك يابابا كتير ، بس والله شكلك متغير كتير عن أول ، وشوي الشعر صاير ابيض.

المهم، السهرة طولت وطلعت بنتي من غرفتا وانضمت للقعدة وبعدها طلعت اختا وبركنا سوى كلياتنا.

ما شاء الله، اليوم حتى عرفت بنتي الكبيرة اتخرجت وتوظفت، وآخر العنقود اللي لسا كنت مقدملها طلب تسجيل بالجامعة صارت في السنة النهائية.

المفاجأة الحلوة بقى لما لاقيت باب غرفة مرتي بيزيق وبينفتح ، وشوية لاقيت مرتي صارت تلفني وهات يابوس وصارت تبكي... انت هون في حلب ؟ وانا مالي خبر؟ انا مفكرا لساتك متغرب..

قلتلا.. انا نهيت عقد العمل في الخليج من زمان وزهقت من الغربة ورجعت.. بس انتي ما شاء الله عليكي وكأن الزمان
مالو علاقة فيكي.

وقالت مرتي لازم نتغدا سوا بهل مناسبة الحلوة ، وفجأة صار المحظور ....وقالت
لكن خيرا بغيرا ..
اشارة الواي فاي رجعت ، وودعنا بعضنا وكل واحد رجع على غرفتو.

ولس كنت عبفكر ناخد صورة جماعية، ابني قال مافي وقت واقترح كل واحد ياخد صورة سلفي لنفسه ويبتعلو ياها، وبالفوتوشوب ابني الكبير بيعمل لها مونتاج وبتصير جماعية.

والله طلعوا ناس كيوت..

بتمنى ان الواي فاي يتعطل كل سنتين مرة حتى ماننسى أسامينا وأشكالنا .

مع الاسف هذا ما يحصل

هذا ما اصبحنا عليه