اصول الإيتيكيت بالمشوار

#اصول_الإيتيكيت_بالمشوار ..

ما بصير تركب بالسيارة
قبل ما تروح تفتح الباب وتخلي البنت
اللي معك تركب، بعدين انت بتركب
وبتسوق فيها.

ما بصير تفوت ع محل
قبل ما تفسح مجال للبنت اللي معك
انها تفوت قبلك .. بعدين بيجي دورك

ما بصير لما تحجز طاولة بمطعم
انك تقعد، قبل ما تروح تبعد الكرسي
تبع الصبية اللي معك و تخليها تشلح
الجاكيت وتقعد وتستقر، بعدين
بترجع انت لمكانك وبصير فيك تقعد.

ما بصير لما تطلب المينيو تبع الأكل
انك تنادي الكرسون او تجاوب الكرسون ..
الإيتيكيت بقول انو لازم (انتا وياه) توجهو
السؤال الها ( شو حابة تطلبي ) وبس تخلص
طلبها .. بصير فيك تطلب شو مابدك..

لما تطلع مع صبية
حتى لو كان معك مجموعة شباب
لازم الكل يترك مجال للبنت انها تحكي
وتفتح موضوع وتبلش الحديث ..
بعدين الشباب بتحكي .. لأنو المرأة
ثرثارة بطبيعتها وبتحب تعطي رأيها
بالمكان وبالأكل و بالمشوار .. لذلك
انت واللي معك لازم تسألوها (عجبك
المكان ؟ عندك اعتراض ع شي معين؟
شو حابة تطلبي ؟ )

لما تروح معها لتشتروا الخواتم
ما بصير تقول للبياع (ورجيني) .. الأصول
تقلو (ورجيها) شو عندك خواتم خليها تنقي ..
وبس تخلص و يعجبها وتختار .. بيجي دورك
وهي الشغلة كتير بلاحظوها بياعين الدهب
انو شبابنا ما بيفهموا بالأصول .. من الذوق
انك تطلب خواتم الها وتتركلها مجال تنقي
وتختار قبلك ..

يعني صار شعار اسمو (النساء اولاُ) ..
.. ليديز فيرست Ladies First ..
بكل شي بتعملو وبتتصرفه  ..
طيب شو سببه؟ لأنو لما اجوا ينتحروا
العشاق الإيطاليين .. خلت حبيبها
يزت حالو من الجسر بعدين خافت
لما شافت منظر الدم وتراجعت عن قرارها
وغدرت فيه، لهيك صار اتفاق عالمي .. المرأة
( لازم تبلش بكل شي ) لأنها متقلبة المزاج
وبتغير رأيها كتير وممكن تتراجع ...

خليها تركب و تقعد و تنزل وتاكل
وتحكي وتطلب ( قبلك ) مشان تضل ضمن
معايير الإيتيكيت العالمي وتضل بنظرها
شب (جنتل مان) وبتفهم بالذوق والأصول
حتى قدام البياعين بيعرفوا انك فاهم الترتيب

مو كتير هيك

وين المشاوير