قصة الضرةمرة ولو كانت جرة

بتقول ستي: "#الضرة_مرة_ولو_كانت_جرة"

شو قصة هالمثل ؟؟

القصة بتحكي عن زوج بحب زوجته كتير، ورفض يتزوج عليها رغم اصرارها عليه لأنها غير قادرة على الإنجاب..

رفضه للزواج كان أولاً بسبب حبه الها واقتناعه فيها وبنصيبه معها
وتانياً لأنه كان بغنى عن المشاكل يلي ممكن تصير بين "النسوان" إذا تزوج التانية..

ولكن بعد إلحاح زوجته الشديد قرر يتحايل عليها فسافر واشترى جرّة كبيرة ، ولبسها تياب نسائية وغطاها بعباية وخصص لها غرفة وسمح لزوجته تشوفها من بعيد وقلها: "هي حققتلك رغبتك وتزوجت، بكرا بعرفك عليها بس تفيق لأنها نايمة"..

تاني يوم راح عالشغل و رجع لقى زوجته عم تبكي فسألها عن السبب قالت له:
"زوجتك الجديدة شتمتني وأهانتني"..
قلها: "أي رح عاقبها"، ومسك العصاية وكسر الجرة..

فاستغربت الزوجة وقالت له: الضرة مرة ولو كانت جرة !! ‍�

#هيك_قالت_ستي

و الله ستك فهيمة