كيس الحمام الحلبي كيس التفريك

كيس الحمام الحلبي
كيس التفريك بغنيك عن السبا والحمام المغربي وجلسات التقشير
كانوا يشتروه من سوق المدينه وكان كيس التفريك الانكليزي أنظم شي بالتمانينات كان سعره ٥٠ ليره كان غالي بهديك الايام
لونه اسود فاحم واله درزه خضرا ودرزه حمرا من طرفه
كل الانواع التانية ماكانت فتاكة الانكليزي كان غير
كان الحمام ع القازان ودرجة حرارته الف
تدخلنا نانتي ع الحمام ولهبة الميه وبخارها ولا أحسن ساونا
بتحبسنا بين رجليها مشان ماننهزم
بتخلص تنظيف راسنا بالغار
وبتلبس الكف وبتبلش جلسة التعذيب
وبتهر هالفتايل بنقص وزننا شي كيلوين وبننحف من كتر مابتطالع مننا جلد ميت
وبيقلب لوننا متل الشوندر
وبعدها بتحط هالليفة المخرز وصابونه الغار وبتبلش تلييف وبصير جلدنا بزحلط زحلطه
وبالاخر بتكت هالميه علينا وبتقلنا تشاهدوا وبتعيدها ثلاث مرات
وبسناولونا بالخوليه لبرا وبقعدونا جنب الصوبيا وبعد مابلبسونا وبمشطولنا شعرنا بنشفوه بالسشوار وكاسة شراب البرتقان بتكون جاهزه
ومن كتر النظافة بنضل ثلاث ايام كل ماحدا شافنا بقلنا نعيما
وبنام طب من كتر النهنه بالحمام
حمامات أول غير ... مو متل هلق حسن بل راسه وانهزم
#ريم_القدسي
منقول من صفحات الفيس

اكيد بيهري جلدنا هالكيس