يوميات عائلة سورية بشهر رمضان

#يوميات_عائلة_سورية
الزوجة : شو بدكن تاكلوا بكرة ؟
الزوج : أي شي .
الزوجة : يعني شو أي شي؟ أنت ما بدك حتى تساعدني باقتراح.
الزوج : اعمليلنا بامية ورز.
الزوجة : قريضة تقرض البامة الجمعة الماضية عملناها!
الزوج : طيب شو رأيك فاصولية حب
الزوجة : تقيلة عالمعدة بهالشوب
الزوج : اعملي محشي
الزوجة : والله مالي خلق احفر واحشي واطبخ
الزوج : طيب شوفي أي شغلة سهلة وموجودة عندك واعمليها وخلصينا
الزوجة : يعني مافي مرة بدك تريحني وتجاوبني , دايماً مريح حالك انت
الزوج : شو رأيك ناكل أكلة خفيفة, مثلاً علبة طون ومرتديلا وزيتون؟
الزوجة : خلص خلص أنا عم فكر أعمل معكرونة وشوية بطاطا مقلية وسلطة؟
الزوج : الله عليك وعلى أفكارك يؤبشني الفهيم
الزوجة : هاد اللي أنت شاطر فيه بس.

والمسا اتصال تليفوني من الزوجة للزوج
الزوجة : ألو جيب معك شي بارد انت وجاي لأن جبنا فروج مشوي
الزوج : أنتي مو قلتي رح ناكل معكرونة و بطاطا؟
الزوجة : والله مافضيت لأنو من وقت فقت وأنا عم أغسل واشطف وحمم القرود ولادك ونضف الزريبة اللي عاملينها بالبيت
الزوج : شو البارد يلي بدك ياه.. كولا" ولا "سفن أب"؟
الزوجة : أي شي .. ما بتفرق

الزوج يرجع ع البيت ويجلس عالطاولة و يمد أيده ويطالع قنينة "الكولا " من الكيس ويضعها على الطاولة
الزوجة : شو هاد..؟ يعني مابتعرف تجيب سفن أب ؟ أنت دايماً ذوقك غريب هيك

الزوج مد ايده للكيس وطالع قنينة (ثانية) سفن أب وحطها على المائدة.
الزوجة : إي بعزق بالمصاري وآخر الشهر قلي وين بيروح المعاش, عرفت يا سيدي المعاش وين بيروح..؟
الزوج : يأكل في صمت.
الزوجة : ما قلتلي , شو بدكن تاكلو بكرة.. ؟

الزوج الله يرحمه أصيب بسكتة قلبية

ههههه حلوة