كيف تصل المعلومة اليك مصطلح السيرفر ما هو

كلياتنا صرنا منعرف نستخدم الانترنت ونفتح فايسبوك وواتساب بس قليل يلي بيعرف كيف عم توصل المعلومات على موبايلك ومن وين عم تجي ؟ هاد الشي يلي رح حاول اشرحو بهاد البوست.
بصراحة لما انا نشرت هاد البوست هو انتقل من موبايلي لاميركا ومن اميركا رجع وصل لعندك ؟ كيف ؟

الديش والساتلايت:
بالتلفزيون اغلبيبتنا منعرف انو الشي يلي عم نتفرج عليو هو جاية من محطة بث وطالع بشكل إشارة عال Satellite ومن ال Satellite عبوصل للصحن يلي عندك عالسطوح (بسوريا) ومن هاد الصحن عن طريق كبل عبوصل للديش يلي عم يحولو لصوت وصورة وبطلعو هالصوت والصورة عالتلفزيون.
في ناس بجوز يفكرو انو الانترنت نفس الشي وبس يوصل عالصحن تبع شركة سيرياتيل مثلاً وبرج سيرياتيل بيعطوك هالاشارة عموبايلك
هاد الشي غلط و هالطريقة مانها صالحة للانترنت بسبب بُعد المسافات ويلي بسبب لتأخر وصول الاشارة وهاد شي مو مقبول بالانترنت
قبل ما نفهم طريقة النقل بالانترنت لازم نعرف كام مصطلح.

Server:
السيرفر ببساطة هو عبارة عن كمبيوتر متل يلي عندك بالبيت بس بمقومات اقوى بكتير والو مهام خاصة فيو

Data center:
ال data-center مكوّن من سيرفرات وهالسيفرات فيها هاردات (متل هارد لابتوبك) يلي بكون موجود فيها الملفات الخاصة بالمواقع.
البوست يلي هلا عبتقراهو موجود بواحد من هدول الهاردات بسيرفر معين بال data-center تبع فايسبوك يلي موجود باميركا